काठमाडौं । नेपाल टेलिकमले स्प्रिङ अफर २०८० अन्तर्गत विभिन्न आकर्षक प्याक तथा सुविधा उपलब्ध गराएको छ । जसअन्तर्गत कम्पनीले विभिन्न सुविधासहितका नयाँ भ्वाइस तथा डाटा प्याकेज ल्याएको हो । १८ रुपैयाँमा एक दिनसम्म सबै नेटवर्कमा कल गर्न सकिने (अलनेट) २५ मिनेट अल नेट अल टाइम भ्वाइस प्याक उपलब्ध रहेको छ भने ३५ रुपैयाँमा दुई घण्टासम्म प्रयोग गर्न सकिने डाटा प्याक रहेको छ । साथै विभिन्न दरका भ्वाइस, डाटा र एसएमएस प्याकसमेत उपलब्ध छन् ।
नयाँ भ्वाइस प्याकेजअन्तर्गत सबै नेटवर्कमा प्रयोग गर्न सकिने एक सय एक मिनेट, एक सय ५० मिनेट र पाँच सय ३५ मिनेट भ्वाइस प्याक उपलब्ध रहेका छन् भने ३५ दिनसम्म जुनसुकै समय र जुुनसुकै नेटवर्कमा पनि प्रयोग गर्न सकिने १४ सय मिनेट अल नेट भ्वाइस प्याक पाँच सय ९९ रुपैयाँमा उपलब्ध हुनेछ ।
नयाँ डाटा प्याकेजअन्तर्गत २४ रुपैयाँमा एक घण्टा भ्वाइस तथा डाटा प्याक उपलब्ध हुनेछ । उक्त प्याकेज एक घण्टासम्म कम्पनीकै नेटवर्कमा (अन-नेट) अनलिमिटेड कल गर्न र डाटा चलाउन सकिन्छ भने २० रुपैयाँमा एक दिनका लागि छ सय एमबी डे डाटा प्याक र ८० रुपैयाँमा तीन दिनसम्म चलाउन सकिने तथा एक सय नौ रुपैयाँमा सात दिनसम्म चलाउन सकिने तीन जिबी डाटा प्याक उपलब्ध हुनेछ ।
त्यस्तै, तीन सय ९९ रुपैयाँमा २८ दिनसम्म चलाउन सकिने १३ जिबी डाटा प्याक उपलब्ध हुने कम्पनीले जनाएको छ । टुजी वा थ्रिजी प्रयोगकर्ताले आफ्नो सिम फोरजीमा एक्टिभेट गरेमा तीन जिबी डाटा, सय मिनेट भोल्टी भ्वाइस कल र ५० अन-नेट एसएमएस सुविधा उपलब्ध हुने कम्पनीका प्रवक्ता हरि ढकालद्वारा जारी प्रेस विज्ञप्तिमा उल्लेख छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच