काठमाडौं । सरकारले २०८१ लाई नवीकरणीय ऊर्जा वर्षका रूपमा मनाउने भएको छ । नवीकरणीय र स्वच्छ ऊर्जाको विकास र विस्तार गर्ने लक्ष्यका साथ सरकारले नवीकरणीय ऊर्जा वर्ष मनाउन प्रक्रिया अघि बढाएको हो । नेपाल नवीकरणीय ऊर्जा परिसंघको प्रस्तावअनुसार ऊर्जा जलस्रोत तथा सिँचाइ मन्त्रालयले प्रक्रिया सुरु गरेको ऊर्जा, जलस्रोत तथा सिँचाइमन्त्री शक्तिबहादुर बस्नेतले बताउनुभएको छ । परिसंघका अध्यक्ष गुणराज ढकालले ऊर्जा मन्त्रालय र मन्त्री बस्नेतले परिसंघको प्रस्तावलाई सकारात्मकरूपमा लिँदै वर्षभरि नै नवीकरणीय ऊर्जा वर्षका रूपमा मनाउने विश्वास दिलाएको बताउनुभएको छ ।
ऊर्जा जलस्रोत तथा सिँचाइ मन्त्रालयका सचिव सुशीलचन्द्र तिवारीले नवीकरणीय र वैकल्पिक ऊर्जाको क्षेत्रमा भएका पछिल्ला प्रगति संस्थागत गर्ने लक्ष्यसाथ नवीकरणीय ऊर्जा वर्षका रूपमा अघि बढाउन मन्त्रालय सकारात्मक रहेको बताउनुभएको छ । परिसंघले सरकारसमक्ष वर्ष २०८१ लाई ‘नवीकरणीय ऊर्जा वर्ष’ घोषणा गरी तदनुरूपका नीति, योजना र कार्यक्रम तर्जुमा गर्न प्रस्ताव गरेको छ ।
जलवायु परिवर्तनका कारण पृथ्वीको तापक्रम बढिरहेकाले त्यसलाई नियन्त्रण गर्न मुख्यतया खनिज इन्धनको खपत शून्यमा पुर्याउनु आवश्यक छ भन्ने विश्वव्यापी बुझाइलाई आत्मसात् गर्न जरुरी रहेको परिसंघको भनाइ छ । सन् १९९२ मा ब्राजिलको रियो द जेनेरियोमा सम्पन्न अर्थ समिट, सन् १९९४ मा जापानको क्योटोमा सम्पन्न क्योटो सम्मेलन, सन् २०१५ मा फ्रान्सको पेरिसमा आयोजित कोप-१६, सन् २०२१ मा बेलायतको ग्लासगोमा आयोजित कोप-२६ र सन् २०२३ मा संयुक्त अरब इमिरेट्समा आयोजित कोप-२८ ले नवीकरणीय ऊर्जाको विकास र विस्तारमा जोड दिएको छ । सन् २०३० सम्म सबैलाई आधारभूत सुविधामा पहुँच पुर्याउने लक्ष्यसहितको दिगो विकास लक्ष्यलाई मानक मानिएको छ । जसमा प्रमुख सूचकमध्ये नवीकरणीय ऊर्जा पनि रहेको छ । त्यस्तै, कोप-२८ मा खनिज इन्धनको प्रयोगलाई पूरै बन्द गर्नुपर्ने माग भए पनि क्रमैसँग घटाउने सहमति भएपछि नवीकरणीय ऊर्जाको महत्व र उपादेयता उजागर भएको छ ।
सन् २०३० सम्म नवीकरणीय ऊर्जाको क्षमता तीन गुणा र ऊर्जा दक्षता दुर्ई गुणा पु¥याएर जलवायु परिवर्तनको असर नियन्त्रण गर्नुपर्ने समझदारीलाई पनि अत्यन्तै उत्साहजनक मानिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच