![केयु परिसरमा बिवाइडीको चार्जिङ स्टेसन](https://ehimalayatimes.com/wp-content/uploads/2024/09/byd-ku-chargi.jpg)
काठमाडौं । प्रधानमन्त्री पुष्पकमल दाहाल प्रचण्ड नेतृत्वको सरकार ढलेको छ ।
आज संसदबाट प्रधानमन्त्री प्रचण्डले विश्वासको मत नपाएसँगै उहाँ नेतृत्वको सरकार ढलेको हो ।
एमालेसँग दुई र कांग्रेससँग एकपटक गरेर तीनपटक गठबन्धन बदलेका प्रधानमन्त्री प्रचण्डले पाँचौँपटक विश्वासको मत लिँदा पद जोगाउन सक्नुभएन ।
प्रचण्ड पदमुक्त भएसँगै नयाँ सरकार गठनको बाटो खुलेको छ । प्रचण्ड पदमुक्त भएको पत्र संसद् सचिवालयले पठाएसँगै राष्ट्रपति कार्यालयले नयाँ सरकार गठनका लागि आह्वान गर्ने तयारी गरेको छ ।
राष्ट्रपतिबाट सरकार गठन आह्वान भएमा कांग्रेस र एमालेले शुक्रवार नै राष्ट्रपति रामचन्द्र पौडेललाई बहुमत सांसदको हस्ताक्षर बुझाउने तयारी छ ।
एमाले अध्यक्ष केपी शर्मा ओलीलाई प्रधानमन्त्री बनाउनेगरी कांग्रेस र एमालेबीच असार १७ गते सहमति भएको थियो ।
२०७९ पुस १० मा प्रधानमन्त्रीमा नियुक्त हुनुभएका प्रचण्डले पहिलोपल्ट त्यसै महिनाको पुस २६ मा विश्वासको मत लिन्भएको थियो।
एमालेको प्रमुख समर्थनमा प्रधानमन्त्री भए पनि उहाँलाई प्रमुख प्रतिपक्ष कांग्रेसले पनि विश्वासको मत दिएको थियो ।
त्यति बेला प्रचण्डले झन्डै सर्वसम्मत अर्थात् २६८ मत पाउनु भएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच