![औषधि सेवनमा यस्ता गल्तीहरु गर्नुहुँदैन, जो खतरनाक हुनसक्छ](https://ehimalayatimes.com/wp-content/uploads/2023/01/aausadhi-medicine-hita.jpg)
काठमाडौं । खानेपानी मन्त्री प्रदीप यादवले निर्माण व्यवसायीका समस्याबारे आफू जानकार रहेको भन्दै समस्या समाधानका लागि सक्दो पहल गर्ने प्रतिबद्धता जनाउनुभएको छ । शुक्रबार नेपाल निर्माण व्यवसायी महासंघका अध्यक्ष रवि सिंह नेतृत्वको प्रतिनिधिमण्डलसँगको भेटमा उहाँले महासंघले उठाएका भुक्तानीलगायतका माग जायज रहेको बताउनुभयो । निर्माण उद्योगको समग्र विकासका लागि महासंघले दिएको सुझाव राज्यका लागि नै लाभदायक रहेको उहाँको भनाइ थियो ।
वर्तमान सरकारबाट नेपाली जनताले ठूलो अपेक्षा राखेको भन्दै मन्त्री यादवले सरकारलाई कुनै पनि हालतमा असफल हुने छुट नरहेको बताउनुभयो । महासंघ अध्यक्ष रवि सिंहले व्यवसायीले पाउन बाँकी रहेको भुक्तानी, ठेक्का तोडिँदा व्यवसायीमाथि हुने अन्यायलगायतका विषयमा मन्त्री यादवको ध्यानाकर्षण गराउनुभएको थियो ।
उहाँले सबै किसिमका खानेपानी आयोजना निर्माण गर्न स्वदेशी व्यवसायी नै सक्षम भएकाले विदेशी निर्माण व्यवसायी आवश्यक नभएको बताउनुभयो । शुक्रबार सार्वजनिक भएको मौद्रिक नीति निर्माण व्यवसायीमैत्री भएको प्रतिक्रिया दिँदै अध्यक्ष सिंहले अब कार्यविधि पनि सोही अनुरूप आउनुपर्नेमा जोड दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच