रियाद । साउदी अरबमा हालै आयोजित फेशन शो विवादमा परेको छ । यस विवादास्पद फेशन शोमा धर्मगुरु र कट्टरपन्थीहरूले कडा प्रतिक्रिया दिएका छन् । यस फेशन शोमा पवित्र काबासँग मिल्दोजुल्दो गिलास देखाइएको बताउदै यसको विरोध गरिएको हो । साउदी अरबको वार्षिक सांस्कृतिक उत्सव ‘रियाद सिजन’को रूपमा चिनिने यो फेशन शोप्रति मुख्यधारा अरब मिडिया र सोशल मिडियाबाट तीव्र प्रतिक्रिया पाएको छ ।
आलोचकहरूले यो इस्लामको सबैभन्दा पवित्रस्थलको अपमान भएको बताएका छन् । साउदी अरेबियाको सरकारी मिडियाले यी आलोचनाहरूलाई बेवास्ता गरेको छ । अफवाह रोक्नको लागि काम गर्ने एक साउदी संगठनले पनि फेशन शोको क्रममा देखेको चिज गिलासको घन आकारको संरचना मात्र भएको बताएको छ । विवाद भएपछि साउदी अरेबियाको एन्टी रुमर अथोरिटीले शोका क्रममा पवित्र काबाको तस्वीर प्रयोग भएको कुरालाई स्पष्ट रूपमा अस्वीकार गरेको छ ।
यो केबल एक गिलास घन आकारको संरचना भएको भन्दै काबासँग कुनै सम्बन्ध नरहेको स्पष्ट गरेको छ । यो साउदी अरेबियाको एन्टी रूमर अथोरिटी एक स्वतन्त्र साउदी मिडिया प्लेटफर्म हो जसले अनलाइन अफवाहहरू ट्र्याक र प्रमाणित गर्दछ । तर, राज्य मिडियाको आलोचनाको बावजुद, धेरै कट्टरपन्थी इस्लामिक व्यक्तित्वहरूले घटनामा टिप्पणी गरे । यी मानिसहरूले यसलाई इस्लामको अपमान भनेका छन् ।
सरकारी मिडियाले यो आलोचनालाई मुस्लिम ब्रदरहुडको नेतृत्वमा रहेको देशलाई बदनाम गर्ने प्रयास भनेका छन् र त्यसको खण्डन गरेको छ । यस कार्यक्रमका तस्वीर तथा भिडियो टेलिग्राम र फेसबुकमार्फत इन्टरनेटमा शेयर भइरहेका छन् ।
मोरक्कन इस्लामिक धर्मगुरु अलहसन बिनअली अल कित्तानीले यो घटना भ्रष्टाचार र मूल्यमान्यताको पतनको संकेत भएको बताउनुभएको छ । यो घटनामा अधिकांश विद्वान मौन रहेको र केही ‘सत्यको आवाज’ले मात्रै यसबारे आवाज उठाइरहेको कित्तानीले लेख्नुभएको छ । धेरै टिप्पणीकारहरूले साउदी अरेबियाको शासक परिवार, जिहादीहरूको लामो समयदेखि शत्रु र धेरै कट्टरपन्थीहरूको आलोचना गर्न फेशन शो प्रयोग गरेको टिप्पणी गरेका छन् ।
सिरियामा आधारित विचारक अब्देल रहमान अल-इद्रिसीले काबा जस्तो संरचना वरिपरि मोडेलहरूको नृत्य बास्तवमा साउदी युवराज मोहम्मद बिन सलमानको आदेशमा भएको बताउनुभएको छ । रियाद सिजन साउदी अरबमा आयोजित मनोरञ्जन, सांस्कृतिक र खेलकुद कार्यक्रमहरूको वार्षिक कार्यक्रम हो । लेबनानी डिजाइनर एली साबले रियाद सिजन २०२४ को भागको रूपमा फेशन शो गरेका थिए ।
स्टेजमा प्रदर्शनबाहेक गाजा स्ट्रिप र लेबनानमा युद्धको बीचमा भएको फेशन शोको धेरैले आलोचना गरिरहेका छन् । लण्डनबाट प्रकाशित अरबी अखबार राई अल-युमको रिपोर्ट अनुसार रियाद सिजनका डिजाइनर र आयोजकहरूले यस क्षेत्रमा चलिरहेको युद्धलाई बेवास्ता गरेको आरोप लगाइएको छ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच