काठमाडौं । नाडा अटोमोबाइल एसोसिएसन अफ नेपालले नाडाले अटोमोबाइल क्षेत्रको प्रवद्र्धनका लागि दिइएका सुझाव मनन गर्न सरकारलाई आग्रह गरेको छ । सरकारले हालै अध्यादेशमार्फत् देशको विकासलाई अघि बढाउने र अर्थतन्त्रलाई गतिशील बनाउन बाधक देखिएका विभिन्न ऐनका बुँदामा परिवर्तन गरेको छ । खासगरी कालोबजार नियन्त्रण ऐनमा व्यवसायीले २० प्रतिशतभन्दा बढी मुनाफा कमाउन नपाउने व्यवस्था हटाइएको छ । जसका लागि नेपालको निजी क्षेत्रले वर्षौंदेखि माग गर्दै आएको थियो ।
हाल सरकारले त्यसको आवश्यकता, उदार र खुला बजार अर्थतन्त्रको मूल मर्म महसुस गरी त्यसका बाधाहरूलाई हटाएकोेमा नाडाले स्वागत गरेको छ । खस्कँदै गएको नेपालको अटोमोबाइल व्यवसाय र देशको समग्र अर्थतन्त्रमा सुधार ल्याउन र उपयुक्त व्यावसायिक वातावरण निर्माण गर्न नाडाले पटक-पटक सरकारलाई विभिन्न सुझाव दिँदै आएको छ । सोही क्रममा नाडाले अर्थ मन्त्रालयलाई २२ बुँदे सुझावहरू दिएको थियो ।
उद्योग, वाणिज्य तथा आपूर्ति मन्त्रालयमा एजेन्सी संशोधन र एकीकरणका सम्बन्धमा पनि चारबुँदे सुझाव दिएको थियो भने नेपाल राष्ट्र बैंकलाई मौद्रिक नीतिसँग सम्बन्धित छबुँदे सुझावसमेत दिएको थियो । नाडाका अनुसार हाल सरकारले प्रोटोकल फर मुभमेन्ट अफ कार्गो विद रिफरेन्स टु द मोटर भेहिकल्स एग्रिमेन्ट फर द रेगुलेसन अफ प्यासेञ्जर, पर्सोनल एण्ड कार्गो भेहिकुलर ट्राफिक विटविन बंगलादेश, भुटान, इण्डिया र नेपाल (बिबिआइएन) को प्रारूपका विषयमा छलफल चलाउँदै आएको सन्दर्भमा उल्लेखित चार देशबीच खुला यातायात प्रणाली सञ्चालनमा आउनु निश्चय नै स्वागतयोग्य विषय हो । तर, उल्लेखित विषयमा सरकारले सम्झौता गर्दा नेपालमा पर्ने केही व्यावहारिक पक्षबारे विशेष ध्यान दिनुपर्ने हुन्छ ।
नेपालमै कुनै पनि यातायातका साधनको म्यानुफ्याक्चरिङ नहुने, नेपालमा आयात गरिने झण्डै ८० प्रतिशत यातायातका साधन भारतबाट आयात हुने र त्यसमा २५० देखि ३५० प्रतिशतसम्म कर लाग्ने सन्दर्भमा भारतको तुलनामा नेपालमा यातायातका साधन ज्यादै महँगो पर्ने भएकाले उक्त सम्झौताअनुसार नेपालमा भारतीय नम्बर प्लेटका सवारी तथा ढुवानीका साधनमात्र प्रयोगमा आउने देखिन्छ । जसबाट नेपालमा यातायातका साधन पैठारी गरी व्यवसाय सञ्चालन गर्ने व्यवसायीलगायत अटोमोबाइल व्यवसायसँग सम्बन्धित वा आश्रित अन्य कुनै पनि व्यवसायीले आफ्नो व्यवसाय नै छोड्नुपर्ने अवस्था आउने भन्दै नाडाले सरकारको ध्यानाकर्षाण गराएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच