काठमाडौं । नेपाल इन्टरमोडल यातायात विकास बोर्ड (एनआइटिडिबी) ले चोभार सुक्खा बन्दरगाहको नवनिर्मित आन्तरिक टर्मिनलको पहिलो ग्राहक लजिस्टिक कम्पनी ‘उपाय’ भएको घोषणा गरेको छ । आन्तरिक टर्मिनलमा एक सय ५० ट्रक र कन्टेनर पार्किङ क्षमता, ५४-५४ वर्ग मिटर गोदाम, ८० टनसम्म सवारीसाधन तौल गर्ने सुविधा, लोड/अनलोड शेड र चालक तथा कामदारका लागि शौचालयको व्यवस्था छ ।
नेपालको ढुवानी उद्योगलाई आधुनिकीकरण गर्न र थप प्रभावकारी र व्यवस्थित आपूर्ति शृंखला सिर्जना गर्ने प्रयासमा एउटा महत्वपूर्ण कोशेढुंगा भएको उपायले जनाएको छ । एनआइटिडिबीका कार्यकारी निर्देशक आशिष गजुरेलले उपायले आन्तरिक टर्मिनल प्रयोगका लागि एनआइटिडिबीको एप्लिकेसनबाट उपलब्ध गराइएका सेवा प्रयोग गरी टर्मिनलबाट आंशिक गोदाम सञ्चालन गर्ने बताउनुभएको छ ।
कम्पनीका अनुसार उपायको अन्तिम लक्ष्य निकट भविष्यमा आफ्नै गोदाम बनाउने रहेको भए पनि कम्पनीले हाल आफ्नो मागअनुसारको सेवा प्रवद्र्धन गर्ने र सामान ढुवानी गर्न चाहने सुक्खा बन्दरगाहका ग्राहकलाई यातायात सेवा उपलब्ध गराउनमा केन्द्रित छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच