काठमाडौं । विसं २०३० सालताका नेपालमा भएको पहिलो विमान अपहरणको विषयमा आधारित रहेर चलचित्र ‘९एनएबीबी’ निर्माण हुने भएको छ । थण्डर प्रोडक्सनले यो चलचित्र बनाउन लागेको हो । विमान अपहरणमा आधारित यो पहिलो नेपाली चलचित्र हुने निर्माण पक्षको दाबी छ ।
यो चलचित्र आगामी २०८३ जेठ २८ गते सिनेमाघरमा ल्याउने तयारी निर्माणपक्षको छ । यो मिति विमान अपहरणको ५३ वर्षपछिको हो ।
चलचित्रमा विजय कार्कीको निर्देशन रहनेछ । उहाँका अनुसार चलचित्रको कथा अन्तिम चरणमा पुगेको छ । ऐतिहासिक कथामा चलचित्र बनाउन लागिएकाले नेपाली चलचित्रमा नाम चलेका कलाकारलाई लिइने उहाँले जानकारी गराउनुभयो ।
‘चलचित्रले केही लुकेका कथालाई पनि बाहिर ल्याउने छ । त्यो बेला खास के भएको थियो भन्ने कुरा पनि थाहा हुनेछ । यो घटनासँग जोडिएका र सरोकारवाला व्यक्तिहरूसँग हामी नियमित सम्पर्कमा रहेर कथा तयार पार्दैछौं’, निर्देशक विजयले भन्नुभयो, ‘यो चलचित्रले विमान अपहरणको योजना कसरी बन्यो र त्यसपछि के भयो भन्ने कुरा देखाउनेछ ।’
यो विमान पञ्चायतका विरुद्धको आन्दोलनका बेला अपहरण गरिएको थियो, जसको नेतृत्व नेपाली कांग्रेसले गरेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच