काठमाडौं । चलचित्र ‘पर्खी बसेँ तिमीलाई’का दुई पोष्टर सार्वजनिक गरिएको छ । यही पुस २७ गतेदेखि देशभरका सिनेमाघरमा आउने तयारीमा रहेको चलचित्रका दुई पोष्टरमध्ये एकमा प्रेमभाव देखाइएको छ भने दोस्रोमा प्रेमले निम्त्याउने वेदना प्रस्तुत गरिएको छ ।
सार्वजनिक दुई पोष्टरमार्फत् एउटामा दुई कलाकारको प्रेम र अर्कोमा सम्पूर्ण कलाकारको भावना प्रस्तुत गरिएको चलचित्रका निर्देशक दीपक श्रेष्ठले जानकारी गराउनुभयो ।
‘यो विशुद्ध प्रेम कथानक चलचित्र हो । त्यसैले यसमा दुई नयाँ कलाकारलाई प्रवेश गराएका छौँ । पर्खी बसेँ झैँ यसमा पनि नयाँ कलाकारलाई लिएर काम गरेको छु । उहाँहरूलाई चलचित्र उद्योगले स्वागत गर्नेमा विश्वस्त छु,’ निर्देशक श्रेष्ठले भन्नुभयो । अभिनेता किरण र अभिनेत्री रक्षाले अभिनय सिकेर चलचित्रमा डेब्यु गर्न लाग्नुभएको हो ।
अभिनेत्री रक्षाले आफूले प्रेम कथानक चलचित्रमार्फत् डेब्यु गर्न पाउँदा खुसी व्यक्त गर्नुभयो । ‘फिल्ममा लभर गर्लका रूपमा प्रस्तुत भएकी छु । नयाँ भए तापनि टिमले गर्नुभएको सहयोगले मैले आफ्नो काम देखाउने अवसर पाएकी छु,’ रक्षाले भन्नुभयो ।
अभिनेता किरणले पनि लभ स्टोरीमा प्रस्तुत हुन पाउँदा खुसी व्यक्त गर्नुभयो । ‘दीपक सर जस्तो लिजेन्ड निर्देशकको एक्सन कटमा काम गर्न पाएँ । निकै उत्साहित छु । आफू सुहाउँदो भूमिकामा प्रस्तुत भएको छु,’ किरणले भन्नुभयो ।
यस चलचित्रमा लोकप्रिय गीत ‘कालो चस्मा लाउ है मैया’ रिमेक गरिएको छ । चलचित्र ‘बादलपारि’ मा समावेश लोकप्रिय गीतको रिमेकमा सुरेन्द्र राणाकै शब्द र शम्भुजित बास्कोटाको संगीत छ । गीतलाई गायक प्रमोद खरेल र गायिका मिलन नेवारले गाउनुभएको छ ।
निर्माता राजाराम बुढाथोकीले बिनासम्झौता चलचित्र तयार गरिएको जानकारी दिनुभयो । ‘यसमा प्रेमसँगै पारिवारिक द्वन्द्वको मिश्रण छ । यो विशुद्ध मनोरञ्जनात्मक चलचित्र बनेको छ । स-परिवार हेरेर मनोरञ्जन लिन सक्नुहुनेछ । यसमा अहिलेको पुस्ताको प्रेमकथा देखाइएको छ,’ उहाँले भन्नुभयो ।
रोमान फिल्म र तपश्री फिल्मस् (सिक्किम) को संयुक्त ब्यानरमा निर्माण गरिएको चलचित्रमा अनिशा रसाइली, शिव श्रेष्ठ, विल्सनविक्रम राई, सुनिता श्रेष्ठलगायतका कलाकारले अभिनय छ ।
यसमा राजाराम बुढाथोकीको निर्माण, कोमल गुरुङको सहनिर्माण, परिच्छेद सेन, मौनता श्रेष्ठ र पुरुषोत्तम ढुंगेलको लेखन, संकल्प भुजेलको छायांकन, शम्भुजित बास्कोटा, दीपक शर्मा, महेश खड्का र बाबुल गिरीको संगीत, भुपेन्द्र अधिकारीको सम्पादन, मनोरञ्जन श्रेष्ठको कलर करेक्सन, रामजी लामिछाने र निशा रसाइलीको नृत्य-निर्देशन छ ।
चलचित्रको छायांकन नेपालसँगै सिक्किमको रमणीय दृश्यमा गरिएको छ । चलचित्र काठमाडौं उपत्यकामा करण श्रेष्ठले ऋच इन्टरटेनमेन्टमार्फत् र मोफसलमा एफडी कम्पनीले प्रदर्शनका लागि वितरण गर्नेछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच