काठमाडौं । सुनचाँदी व्यवसायी महासंघले प्रधानमन्त्री दैवी प्रकोप उद्धार कोषमा भूकम्पपीडितका लागि आर्थिक सहयोग प्रदान गरेको छ । महासंघ अध्यक्ष माणिकरत्न शाक्य नेतृत्वको प्रतिनिधिमण्डलले सोमबार प्रधानमन्त्री पुष्पकमल दाहाललाई पाँच लाख ५५ हजार पाँच सय ५५ रुपैयाँको चेक हस्तान्तरण गरेको हो । महासंघले आफ्नो सामाजिक उत्तरदायित्व अभियानअन्तर्गत सहयोग रकम उपलब्ध गराएको अध्यक्ष शाक्यले बताउनुभयो ।
सो अवसरमा प्रधानमन्त्री दाहालले महासंघले भूकम्पपीडितको सहयोगार्थ आर्थिक सहयोग उपलब्ध गराएकोमा धन्यवाद दिँदै अप्ठ्यारोमा सहयोग गर्नु सबैको कर्तव्य भएको बताउनुभयो । उहाँले सुनचाँदी व्यवसायीतर्फबाट सुनचाँदी कारोबार व्यवस्थित गर्न ऐनको आवश्यकता औँल्याइएकोमा आफ्नो ध्यानाकर्षण भएको उल्लेख गर्दै स्पष्ट ऐन निर्माणका लागि सरकारले आवश्यक सहयोग गर्ने आश्वासन दिनुभयो ।
अध्यक्ष शाक्यले सुनचाँदी व्यवसायमा देखिएका विभिन्न समस्या जानकारी गराउँदै समस्या समाधानका लागि सुनचाँदी कारोबारसम्बन्धी ऐनको आवश्यकता औँल्याउनुभएको थियो । भेटमा महासंघका सल्लाहकार रणेन्द्र बराइली, उपाध्यक्ष विपिन रामुदामु, पवनकुमार सोमानी, महेन्द्ररत्न शाक्य र कार्यवाहक महासचिव किरणभाइ बज्राचार्यलगायतको सहभागिता थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच