काठमाडौं । यही फागुन २५ गते (महाशिवरात्री)देखि देशभरका सिनेमा घरमा आउने तयारीमा रहेको चलचित्र ‘रंगेली’को दोस्रो गीत ‘दुल्हा दुल्हन’ सार्वजनिक गरिएको छ । पृथक शैलीमा तयार पारिएको गीतमा निशान भट्टराईको स्वर, सविन एकतारेका शब्द रचना तथा सुशान्त गौतमको संगीत छ ।
विवाहको परिवेशमा खिचिएको गीतमा अभिनेता विजय बराल कमेडी शैलीमा गाउँदै र नृत्य गर्दै प्रस्तुत हुनुभएको छ भने अभिनेता दयाहाङ राई र अभिनेत्री मिरुना मगरको थारू संस्कृतिअनुसार विवाहको दृश्य समेटिएको छ । एक दृश्यमा उहाँहरूलाई बधाई दिन अर्पण थापा ग्याङस्टर लुक्समा देखिनुभएको छ ।
अर्जुन सुवेदीको निर्देशन र लेखन रहेको चलसचित्रमा प्रवीण खतिवडा, रमेश बुढाथोकी, शेखर चापागाईं, प्रभाकर न्यौपाने, सन्तोष सरकारलगायतको अभिनय छ । चलचित्रको कार्यकारी निर्मातामा जीतेन्द्र खतिवडा र अनुज जंग थापा, निर्मातामा संसार चौलागाईं र रमेश भट्टराई वशिष्ठ, सहनिर्मातामा युवक कार्की र शिवशंकर चौलागाईं तथा एसोसिएट निर्मातामा विवेक खड्का (योलो) हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच