काठमाडौं । चलचित्र ‘तेल भिसा’का लागि अडिशन आहृवान गरिएको छ । विपीन कार्की, गौरी मल्ल, ऋचा घिमिरे, वर्षा राउत, बुद्धि तामाङलगायत कलाकारलाई लिएर निर्माण गनै लागिएको चलचित्र ‘तेल भिसा’को लागि कलाकारहरूको अडिशन आहृवान गरिएको हो ।
शंकर घिमिरेको निर्देशनमा चैतको दोस्रो हप्तादेखि अमेरिकाको मेरिल्याण्ड राज्यबाट छायांकनमा जाने यस चलचित्रमा मुख्य कलाकारको लाइनअप सकिए पनि अमेरिकातर्फको सिनका लागि विविध भूमिकामा अडिशन आहृवान गरिएको निर्माण पक्षले जनाएको छ ।
अडिशनमा विभिन्न उमेर समूहका अमेरिकनसहित अफ्रिकन पाकिस्तानी, मेक्सिकन, कोरियन, साउथ एसियनसहित फरक-फरक वर्ण देखिने नेपालीसहित विदेशी मूलका महिला र पुरुष दुवैले अडिशनमा सहभागिता जनाउन सक्नेछन् । अडिशनमा सहभागिता जनाउन अमेरिकामै बसोवास गरिरहेका व्यक्ति हुनुपर्ने बताइएको छ । निर्माण पक्षका अनुसार यो चलिचित्र ७० प्रतिशत छायांकन अमेरिकाको मेरिल्याण्ड, भर्जिनिया, न्यूयोर्क, वासिंटन डिसीसहित विभिन्न लोकेसनमा हुनेछ । बाँकी ३० प्रतिशत नेपालमा हुनेछ ।
सेभेन सिज इन्टरटेन्मेन्ट र वेल डन क्रियशनको सहकार्यमा निर्माण हुन लागेको यो चलचित्रमा विपिन दोहोरो भूमिका (बाबु-छोरा)मा हुने जनाइएको छ । विदेशमा गएर त्यहीँ स्थापित हुने क्रमले नेपाली समाजको बदलिँदो स्थितिलाई चलचित्रले देखाउनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच