काठमाडौं । गुणनिधि धनलक्ष्मी पन्त स्मृति प्रतिष्ठानद्वारा आयोजित कार्यक्रममा सोमबार पुरस्कार वितरण तथा पुस्तक लोकार्पण कार्यक्रम सम्पन्न भएको छ । उक्त प्रतिष्ठानका अध्यक्ष प्रा.विष्णुप्रसाद पन्तको सभापतित्वमा सम्पन्न कार्यक्रममा वरिष्ठ कवि तथा नेपाल प्रज्ञाप्रतिष्ठानका पूर्वकुलपति बैरागी काइँला प्रमुख अतिथि रहनुभएको थियो । हरिभक्त सिग्देल ‘महेश’, प्रा. पुरुषोत्तम दाहाल, ठाकुर शर्मा भण्डारी, रामप्रसाद पन्त, युवराज मैनाली, गोपी मैनाली, नरेन्द्रराज पौडेल, कलानिधि दाहाल, प्रा.डा.शैलेन्दुप्रकाश नेपाल विशेष अतिथि रहनुभएको उक्त कार्यक्रमको सञ्चालन प्रतिष्ठानका सचिव डा. विष्णुकुमार खत्रीले गर्नुभएको थियो ।
प्रतिष्ठानका कोषाध्यक्ष चन्द्र्रप्रसाद पन्तले स्वागत मन्तव्य राख्नुभएको उक्त कार्यक्रममा प्रा.डा.दीनेशराज पन्तलाई गुणनिधि पन्त स्मृति पुरस्कार तथा नेपाल प्रज्ञाप्रतिष्ठानको पूर्वसदस्यसचिव गीता केशरीलाई धनमाया पन्त स्मृति पुरस्कार तथा सम्मान प्रदान गरिएको थियो । कार्यक्रममा प्रतिष्ठानका उपाध्यक्ष डा.शैलेन्दुप्रकाश नेपालले पुरस्कृत व्यक्तिहरूका बारेमा प्रकाश पार्नुभएको थियो ।
उक्त कार्यक्रममा विष्णुप्रसाद पन्तद्वारा लेखिएको ‘मनोभाव’ शीर्षकको काव्य कृतिको लोकार्पण पनि गरिएको थियो । कार्यक्रममा प्रा.प्रयागराज भट्टराई ‘वाशिष्ठ’ तथा हरिभक्त सिग्देल ‘महेश’ ले शुभकामना मन्तव्य राख्नुभएको थियो भने लोकार्पण गरिएको पुस्तकका बारेमा युवराज मैनाली तथा ठाकुर शर्मा भण्डारीद्वारा समीक्षात्मक टिप्पणी गरिएको थियो ।
कार्यक्रमा पुरस्कृत व्यक्तित्वद्वय गीता केशरी तथा दिनेशराज पन्तले पनि आआफ्नो विचार व्यक्त गर्नुभएको थियो । यसका साथै प्रमुख अतिथि बैरागी काइँलाले आफ्नो मन्तव्य राख्ने क्रममा आफू लेखेरभन्दा पनि गाली र आलोचनाबाट अगाडि आएको व्यक्ति भएका कारण साहित्यकारहरूले आलोचनालाई समेत पचाउन सक्नुपर्ने धारणा राख्नुभएको थियो । कार्यक्रमको अन्त्यमा सभापति विष्णुप्रसाद पन्तले धन्यवाद ज्ञापन तथा कार्यक्रमको समापन गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच