काठमाडौं । राष्ट्रिय विज्ञापन संघ नेपाल र लायन्स क्लब अफ काठमाडौं माउण्ट मकालुले गोरखाको मुच्चोक गाउँपालिका-५ चर्तुमाला माध्यमिक विद्यालयका विद्यार्थीलाई न्यानो टोपी तथा ट्र्याकसुट वितरण गरेको छ । कार्यक्रममा काठमाडौं हिमालयज र काठमाडौं शिवपुरीको पनि साथ रहेको थियो ।
गोरखाको मुच्चोक गाउँपालिकाका अध्यक्ष दिपक देवकोटा र उपप्रमुख अनिता भुजेलको उपस्थितिमा दुई सय ६० थान न्यानो टोपी र एक सय ५५ थान ट्र्याकसुट हस्तान्तरण गरिएको हो । उक्त सामग्री चर्तुमाला माध्यमिक विद्यालय व्यवस्थापन समितिका अध्यक्ष चिरञ्जीवी धिताल तथा प्रधानाध्यापक बुद्धिबहादुर विकलाई हस्तान्तरण गरिएको थियो ।
मुच्चोक गाउँपालिकाको उत्तरी भेगमा पर्ने भएकाले अत्यधिक चिसोका कारण पठनपाठनमा समस्या रहेकाले विद्यार्थीलाई पठनपाठनमा समस्या नपरोस् भन्ने उद्देश्यले सहयोगी हातलाई अघि बढाउँदै सामाजिक उत्तरदायी कार्यमा अग्रसर भएको संघले जनाएको छ ।
कार्यक्रममा राष्ट्रिय विज्ञापन संघ नेपालका अध्यक्ष धर्मेन्द्रकाजी श्रेष्ठ, लायन्स क्लब अफ काठमाडौं माउण्ट मकालुका पूर्वअध्यक्ष विश्वनाथ, लायन्स क्लब अफ काठमाडौं हिमालयजका सदस्य तथा जोन चियर पर्सन राजन कँडेल र लायन्स क्लब अफ काठमाडौं शिवपुरीका पदम पोखरेलको पनि उपस्थिति रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच