झापा । नेपाल खेलकुद महासंघ कोशी प्रदेश कमिटीले आयोजना गरेको केपी ओली ‘रोड रेस’ प्रतियोगिताको उपाधि पुरुषतर्फ दिनेशकुमार यादव र महिलातर्फको उपाधि राममाया बुढाले जित्नुभएको छ । दुवैजना विजेताले पुरस्कारस्वरूप जनही ५१ हजार रुपैयाँ नगदसहित मेडल, ट्रफी र प्रमाणपत्र प्राप्त गर्नुभएको छ । ५१औँ सुखानी स्मृति दिवसको अवसर पारेर आयोजना गरिएको झापाको चारपाने चोकबाट इलाम र झापाको संगमस्थल सुखानी शहीद पार्कसम्म १० किलोमिटर दूरीको दौड प्रतियोगितामा यादव र बुढाले उपाधि जित्नुभएको हो ।
धावक यादवले ५१ मिनेट २३ सेकेण्डमा १० किलोमिटरको दूरी पार गर्दै विजेता बन्नुभएको थियो भने महिलातर्फकी विजेता बुढाले ५९ मिनेटमा दूरी पार गर्नुभएको थियो ।
यसैगरी, द्वितीय पुरुषतर्फ सन्दीप बस्नेत र महिलातर्फ पुष्पा भण्डारी हुनुभएको छ । उहाँहरूले नगद ३१ हजार नगद, मेडल, ट्रफी प्राप्त गर्नुभएको छ । तृतीय बन्ने खेलाडीहरूमा पुरुषतर्फ पवन कार्की र महिलातर्फ फूलमती राना रहनुभएको छ । उहाँहरूले जनही नगद २१ हजार प्राप्त गर्नुभएको छ ।
दुवै तर्फका उत्कृष्ट १० सम्मलाई पुरस्कारको व्यवस्था गरिएको प्रतियोगिताको मूल आयोजक उपसमिति संयोजक प्रकाश बस्नेतले जानकारी दिनुभयो । प्रतियोगितामा देशभरबाट ४४८ जना सहभागी भएका थिए । प्रमुख अतिथि नेपाल कम्युनिष्ट पार्टी (एमाले)का उपाध्यक्ष युवराज ज्ञवालीले उनीहरूलाई पुरस्कार प्रदान गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच