काठमाडौं । चार रुपैयाँमा केश काटेर बिस्टार एकेडेमी एण्ड युनिसेक्स सैलुनले चौथो वार्षिकोत्सव मनाएको छ । बिहीबार एक कार्यक्रमबीच सैलुनले चौथो वार्षिकोत्सव मनाएको हो । सैलुनका सञ्चालक एवं मेकअप आर्टिस्ट बिक्रम गौतमको सभापतित्वमा सैलुनको बुढानीलकण्ठ नगरपालिकाका मेयर मीठाराम अधिकारीको प्रमुख आतिथ्यता, बुनपा वडा नं. १२ का वडाध्यक्ष शम्भु भट्टराई, बुनपा वडा नं. १० का वडाध्यक्ष नवराज भट्टराईको विशिष्ट आतिथ्यतामा कार्यक्रम सम्पन्न भएको हो ।
मेयर अधिकारीले युवालाई स्वदेशमै केही गर्न सकिन्छ भन्ने उदाहरण बनेकामा सञ्चालक गौतमलाई बधाई एवं शुभकामना व्यक्त गर्नुभएको थियो । उहाँले आफूले सकेको सहयोग गर्ने प्रतिबद्धता सो अवसरमा व्यक्त गर्नुभयो । त्यसैगरी बुनपा वडा नं. १० का वडाध्यक्ष भट्टराईले शुभकामना दिँदै सञ्चालक गौतम प्रतिभाका धनी रहेको र धेरैलाई रोजगार प्रदान गरेको भन्दै प्रशंसा गर्नुभयो ।
सो अवसरमा कलाकार हरि निरौला ‘कक्रोज’ले सञ्चालक गौतमको मिहिनेत र संघर्षले यो स्थानसम्म आइपुगेको भन्दै चर्चा गर्नुभयो । कलाकार दीपक आचार्य ‘काकु’, सागर लम्साल ‘बले’, सुबोध गौतम ‘एकदुमे’, भरतमणि पौडेल, सुरक्षा इटानी, रश्मी पाण्डे, पवन खतिवडा, नवीन थापा, नवीन खतिवडा, पुरुषोत्तम आचार्य, बबिन राई, अशोक धिताल, कुमार प्रयास, गोकुल अधिकारीलगायतका कलाकारले शुभकामना मन्तव्य राख्नुभएको थियो ।
सञ्चालक गौतमले आफू ड्राइभर बन्न काठमाडौं आएको बताउँदै बिस्टार एकेडेमी एण्ड युनिसेक्स सैलुन स्थापनाकालदेखि हालसम्मको संघर्षको कथा सुनाउनुभएको थियो । कार्यक्रममा कलाकार, पत्रकार, समाजसेवी एवं विशिष्ट व्यक्तिहरूको उपस्थिति थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच