![आठ महिनामा सात लाख पर्यटक](https://ehimalayatimes.com/wp-content/uploads/2023/12/Punhill-tourist-Hita.jpg)
काठमाडौं । डाबर वाटिका स्याम्पुले मिस नेपाल प्रतियोगितामा विगत दुई वर्षदेखिको साझेदारीलाई कायम राख्दै मिस नेपाल २०२४ प्रतियोगिताको टाइटल स्पोन्सरसिपको घोषणा गरेको छ । यस्तो साझेदारीले नेपाली महिलालाई सशक्तीकरण गर्ने र सौन्दर्य प्रवद्धन गर्ने डाबर वाटिकाको उद्देश्यमा महत्वपूर्ण भूमिका निर्वाह गरेको कम्पनीको भनाइ छ ।
पछिल्ला वर्ष डाबर वाटिका मिस नेपाल प्रतियोगिता नेपाली महिलाको विविध प्रतिभा प्रदर्शन गर्दै सुन्दरता र बौद्धिकताको उत्कृष्ट नमुना बनेको छ । शीर्षक प्रायोजकका रूपमा डाबर वाटिकाले महिला सशक्तीकरणमा आफ्नो विश्वास पुनः पुष्टि गर्दै महिलाहरूलाई समर्थ बन्न र समाजमा प्रभाव पार्न महत्वपूर्ण प्लेटफर्म प्रदान गरेको कम्पनीले जनाएको छ ।
डाबर नेपालका मार्केटिङ हेड अभयप्रसाद गोर्खाली भन्नुहुन्छ, ‘हामी सुन्दरता र बौद्धिकताको उत्सव मनाउने एउटा प्रतिष्ठित प्लेटफर्म मिस नेपाल प्रतियोगितासँग आबद्ध हुन पाउँदा हर्षित छौँ । यो साझेदारीमार्फत् हामीले नेपालभरका महिलालाई निडरतासाथ आफ्ना सपना पछ्याउन प्रेरित गर्ने र प्रोत्साहित गर्ने लक्ष्य राख्छौँ ।’
आयोजक द हिडन ट्रेजरका अध्यक्ष अजयरत्न स्थापित भन्नुहुन्छ, ‘मिस नेपाल २०२४ को टाइटल प्रायोजकका रूपमा डाबर वाटिकालाई स्वागत गर्न पाउँदा हामी खुसी छौँ । हामी अनगिन्ती व्यक्ति र समुदायलाई प्रेरित गर्ने फलदायी साझेदारीका लागि तत्पर छौँ ।’ डाबर वाटिका न्याचुरल्स स्याम्पुले उपभोक्तालाई उत्कृष्ट प्राकृतिक कपालको हेरचाह समाधान भएको प्राकृतिक स्याम्पुको विस्तृत शृंखला प्रदान गर्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच