काठमाडौं । राष्ट्रिय खेलकुद परिषद् (राखेप) को ६०औँ वार्षिकोत्सव राखेपका संरक्षक प्रधानमन्त्री पुष्पकमल दाहाल ‘प्रचण्ड’ को प्रमुख आतिथ्यतामा बुधबार हुँदैछ । राखेपले आफ्नो ६०औँ वार्षिकोत्सव विविध कार्यक्रमसहित भृकुटीमण्डपस्थित राष्ट्रिय सभागृहमा मनाउने कार्यक्रम रहेको छ ।
कार्यक्रममा विभिन्न ६ विधामा १८ अवार्ड प्रदान गरिनेछ । सिनियर/जुनियर समान दुई-दुई गरी चार खेलाडी, आठ कर्मचारी (दुई करार कर्मचारीसहित), एक पारा खेलाडी र दुई खेल पत्रकारलाई अवार्डसहित नगदबाट पुरस्कृत गरिनेछ । त्यस्तै, खेल क्षेत्रमा उत्कृष्ट कार्य गरेबापत समान एक-एक स्थानीय तह, प्रायोजक र राष्ट्रिय खेल संघलाई पनि सम्मान गरिनेछ ।
सदस्य-सचिव टंकलाल घिसिङ राखेपको नेतृत्वमा आएदेखि वार्षिकोत्सवमा थप नयाँ विधाको अवार्ड थप गरिएको थियो । खेलाडी अवार्ड, करार कर्मचारी अवार्ड र स्थानीय तह अवार्ड ५९औँ संस्करणदेखि थपिएको हो ।
कार्यक्रममा वरिष्ठ हास्य कलाकार हरिवंश आचार्य, लोकप्रिय गायक राजेशपायल राई र डान्सर सरोज प्रजा र विना रावतको आकर्षक प्रस्तुति रहनेछ । कार्यक्रम अपराहृन साढे ३ बजेदेखि सुरु हुनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच