![तिरहुट टाइगर्स राजविराज मेयर कपको फाइनल प्रवेश](https://ehimalayatimes.com/wp-content/uploads/2024/06/saptari-kricket.jpg)
काठमाडौं । ओलम्पिक डे २०२४ का अवसरमा शनिबारदेखि नेपालमा यसको औपचारिक शुभारम्भ गरिएको छ । नेपाल ओलम्पिक कमिटी (एनओसी) को तत्वावधानमा एनओसीअन्तर्गत रहेको स्पोर्ट्स फर अल कमिसनको आयोजनामा नेपालमा ओलम्पिक डे २०२४ को कार्यक्रम सुरु गरिएको हो । पाटन मंगलबजारमा शनिबार एक कार्यक्रमको आयोजना गर्दै ओलम्पिक डे २०२४ को थालनी गरिएको हो । कार्यक्रममा स्पोर्ट्स फर अल कमिसनका अध्यक्ष विष्णुगोपाल श्रेष्ठले उक्त कार्यक्रममा अन्तर्राष्ट्रिय ओलम्पिक कमिटी (आइओसी) को झण्डोत्तोलन गर्नुभयो ।
कार्यक्रममा नेपाल ओलम्पिक कमिटीका कार्यवाहक अध्यक्ष ज्योति राणाले राष्ट्रिय झण्डा झण्डोत्तोलन गर्नुभयो । यस्तै, कार्यक्रममा नेपाल प्रहरी ब्याण्ड टोलीबाट राष्ट्रिय गान प्रस्तुत गरिएको थियो । यस्तै, दधिकोट स्कुलका छात्राबाट बाँसुरीमा मंगल धुन प्रस्तुत गरिएको थियो । मंगलबजारबाट विभिन्न स्कुलका विद्यार्थीहरू मार्चपास गर्दै सातदोबाटोस्थित नेपाल ओलम्पिक कमिटीमा पुगेका थिए ।
ओलम्पिक डे हरेक वर्ष जुन २३ मा मनाइँदै आएको छ । तर, नेपालमा भने स्पोर्ट्स फर अल कमिसनले जुनको सुरुवातदेखि नै विभिन्न कार्यक्रमहरू आयोजना गरेर ओलम्पिक डे मनाउने गरेको छ । ‘आजदेखि हामीले नेपालमा ओलम्पिक डे २०२४ को औपचारिक सुरुवात गरेका छौँ । यसअघि नै केही कार्यक्रमहरू सुरु भइसकेका छन्,’ श्रेष्ठले भन्नुभयो ।
श्रेष्ठले स्कुलमा पढ्ने बालबालिकालाई सानैदेखि सही मार्गमा डोहो¥याउन र खेलकुदका बारेमा जानकारी गराउन यस किसिमको कार्यक्रम गरिएको बताउनुभयो । यस्तै ड्रग र विसंगति जस्ता खराब क्रियाकलाप रोक्न पनि यस कार्यक्रमले सहयोग गर्ने उहाँले बताउनुभयो । श्रेष्ठका अनुसार नेपालका सातवटै प्रदेश, राष्ट्रिय खेल संघसंस्थाहरू विभागीय टोली प्रि स्कुलहरूसँग सहकार्य गरेर ओलम्पिक डेका अवसरमा विभिन्न कार्यक्रम गरिनेछ । यस्तै, ओलम्पिक डेको दिन जुन २३ मा मुख्य कार्यक्रम आयोजना गरिने उहाँले जानकारी दिनुभयो । गत वर्ष तीन हजार २७३ कार्यक्रम आयोजना गरिएको र यस वर्ष चार हजार एक कार्यक्रम गर्ने लक्ष्य रहेको कमिसनका अध्यक्ष श्रेष्ठले जानकारी दिनुभयो ।
शिक्षा र खेलकुद क्षेत्रको सही तालमेल मिलाउन र स्कुलदेखि नै साना भाइबहिनीहरूलाई खेलकुदका विविध पक्षमा बुझाउनका लागि यस खालको कार्यक्रम आयोजना गरिएको कमिसनले जनाएको छ । नेपालमा सन् २०११ देखि प्रत्येक वर्ष ओलम्पिक डे मनाउँदै आइएको छ । अन्तर्राष्ट्रिय ओलम्पिक कमिटीको स्थापना भएको दिन २३ जुनको अवसर पारेर नेपाललगायत विश्वभर विभिन्न कार्यक्रम गरेर ओलम्पिक डे मनाइन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच