![भोजपुरको प्याउलीमा अरुण आँखा उपचार केन्द्र स्थापना](https://ehimalayatimes.com/wp-content/uploads/2024/06/bhojpur-eye.jpg)
काठमाडौं । प्रथम माध्यमिक तहस्तरीय अभ्यास अदालत प्रतियोगिता आयोजना हुने भएको छ । लेक्स नेपाल इन्स्टिच्युट अफ लको प्रस्तुतिमा सुदूरपश्चिम कानुन विद्यार्थी समाजले उक्त प्रतियोगिता आयोजना गर्न लागेको हो । कक्षा १२ को परीक्षा दिएर बसेका र कक्षा १२ मा अध्ययन गर्दै गरेका विद्यार्थीहरूलाई लक्षित गरी प्रतियोगिता आयोजना हुन लागेको हो ।
नेपालमा कक्षा ११ र १२ मा कानुन विषयको अध्ययन गराइने भए पनि विद्यार्थीहरूको अदालती अभ्यासमा पहुँच कम हुने भएकाले अदालती अभ्याससँग विद्यार्थीहरूलाई अभ्यस्त बनाउन उक्त कार्यक्रम आयोजना गरिएको कानुनी समाजका अध्यक्ष दिपक जोशी बताउनुहुन्छ । प्रतियोगिता सञ्चालनको दौरानमा विद्यार्थीहरूलाई मिसिल लेखन तथा प्रशिक्षणको पनि तालिम दिइने भएकाले प्रतियोगिताले विद्यार्थीको मुद्दा लेखन र बहसकलाको क्षमता अभिवृद्धि हुने उहाँको भनाइ छ ।
यसभन्दा अघि अंग्रेजीमा मात्रै अभ्यास अदालत प्रतियोगिता सञ्चालन हुँदै आएकोमा पहिलोपटक नेपाली माध्यममा अभ्यास अदालत सञ्चालन हुन लागेको कानुनी समाजका संयोजक रेवन्त ढकालको भनाइ छ । नेपालका अधिकांश माध्यमिक तहका विद्यालयहरूमा नेपाली माध्यममा कानुन पढाइ हुँदै आइरहेको छ । तर, अंग्रेजीमा अभ्यास अदालत प्रतियोगिता आयोजना हुँदा उनीहरू त्यसमा सहभागी नै हुन नसक्ने भएकाले उनीहरूको सहभागितालाई सुनिश्चित गर्न नेपाली माध्यममै प्रतियोगिता आयोजना गरिएको संयोजक ढकालको भनाइ छ ।
नेपालको अदालती अभ्यास नेपाली भाषामै सञ्चालन हुँदै आएको छ । कानुनको अध्ययन सम्पन्न गरेपछि नेपाली भाषामै मुद्दा लेखन र बहसकलामा पोख्त हुनुपर्ने भएकाले यो प्रतियोगिताले बहसकलामा तथा मुद्दा लेखनमा विद्यार्थीहरूको क्षमता अभिवृद्धि हुने लेक्स नेपालका निर्देशक अधिवक्ता यज्ञराज पाण्डेको भनाइ छ । अभ्यास अदालत प्रतियोगिता अन्य प्रतियोगिता जस्तो जितहारमा मात्रै सीमित नभएर मुद्दा लेखनको कार्यशाला तथा बहसकलाको कार्यशालालगायतका कार्यक्रमले उनीहरूको लेखन र बहसकलालाई सुधार गर्न मद्दत पुर्याउने अधिवक्ता पाण्डेको भनाइ छ ।
प्रतियोगितामा विजेतालाई पाँच हजार तथा उपविजेता समूहलाई तीन हजार राशिको पुरस्कार निर्धारण गरिएको छ । प्रतियोगिताका लागि यही असार ६ गतेसम्म अन्तिम दर्ता मिति तोकिएको छ भने ७ र ८ गते कार्यशाला आयोजना गरिँदैछ । अभ्यास अदालत प्रतियोगिता भने असार १४ र १५ गते आयोजना हुने भएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच