![सिमेन्ट उद्योगका जटिलता हटाउन सकारात्मक छौँ : उद्योगमन्त्री भण्डारी](https://ehimalayatimes.com/wp-content/uploads/2024/06/damodar-bhandari-Hita-.jpg)
काठमाडौं । नेपाल ओलम्पिक कमिटीले ओलम्पिक डे को अवसरमा एनओसी अवार्डको तेस्रो संस्करण असार ९ गते भोलि (आइतबार) गर्ने भएको छ । विश्वभर ओलम्पिक डे जुन २३ मा मनाइन्छ । सोही दिनको अवसर पारेर अवार्ड कार्यक्रम हुनेभएको हो । तेस्रो संस्करणको एनओसी अवार्डमा ११ विधामा अवार्ड प्रदान गरिने अवार्ड कमिटीका अध्यक्ष गोपालसुन्दर कक्षपतिले जानकारी गराउनुभयो ।
एनओसी अवार्ड उत्कृष्ट पुरुष र महिला खेलाडी, उत्कृष्ट पारा खेलाडी, उत्कृष्ट पुरुष र महिला प्रशिक्षक र उत्कृष्ट खेल संघलाई प्रदान गरिनेछ । सञ्चारमाध्यमतर्फ छापा, अनलाइन, फोटो र भिडियो गरी चार विधामा अवार्ड प्रदान गरिनेछ । साथै एक खेलकर्मीलाई एनओसी प्रेसिडेन्टल अवार्ड प्रदान गरिने कक्षपतिले बताउनुभयो । हरेक विधामा अवार्ड प्राप्त गर्नेलाई ५० हजार प्रदान गरिने जनाइएको छ ।
एनओसीमा आबद्ध २७ मध्ये २५ खेल संघले एनओसी अवार्डका लागि आवेदन दिएको र त्यसबाट जुरी कमिटीले विजेता छान्नेछ । कमिटीका उपाध्यक्ष ज्योति राणाको संयोजकत्वमा विभिन्न क्षेत्रका व्यक्ति रहेको आठ सदस्यीय जुरी कमिटी बनाइएको छ ।
नेपाली ओलम्पिक कमिटीका अध्यक्ष जीवनराम श्रेष्ठले सन् २०२२ मा सुरु भएको अवार्ड तेस्रो संस्करणसम्म आइपुगेको र यसलाई निरन्तरा दिने बताउनुभयो । श्रेष्ठले विगतमा अन्तर्राष्ट्रिय ओलम्पिक डे को अवसरमा ओलम्पिक रन डे हुँदै आएकोमा पछिल्लो समय ओलम्पिक डे को रूपमा मनाउन थालिएको र नेपालमा पनि त्यही अवसरमा एनओसी अवार्ड आयोजना गरेको बताउनुभयो ।
यस्तै, एनओसीअन्तर्गत रहेको स्पोर्ट्स फर अल कमिसनले विधिन्न कार्यक्रम र गतिविधि गरेर नेपनफमा ओलम्पिक डे २०२४ मनाउँदै आएको श्रेष्ठले जानकारी दिनुभयो । ‘हामीले अवार्डमात्र नभएर स्पोर्ट्स फर अल कमिसनलाई जिम्मा दिएर देशभर हजारौं कार्यक्रम भइरहेको छ । ओलम्पिक डे को उपलक्षमा विभिन्न खेलको प्रतियोगिता आयोजना गर्ने र सेलेब्रेसन गर्ने, ओलम्पिक भ्यालु सेयर र त्यसलाई स्ट्याबिलिस गर्ने काम भइरहेको छ,’ अध्यक्ष श्रेष्ठले भन्नुभयो, ‘एनओसी अवार्डमार्फत नेपाली खेलकुदमा केही गर्नुपर्छ क्रिएटिभ काम गर्नुपर्छ भन्ने भावनाको विकास भएको छ ।’
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच