काठमाडौं । नेपाली पर्यटन क्षेत्रले बिहीबार होटल व्यवसायकी एक हस्ती अम्बिका श्रेष्ठलाई गुमाएको छ । ९० वर्ष पार गरिसक्दा पनि सक्रिय उहाँ द द्वारिकाज होटलकी सञ्चालक मात्रै होइन, हेरिटेज शैली भित्र्याएर नेपाली पर्यटनलाई नयाँ आयाम दिने सफल महिला उद्यमी हुनुहुन्थ्यो । सन् १९५५ मा सिक्किमबाट द्वारिकादास श्रेष्ठको बेहुली बनेर उहाँ नेपाल भित्रिनुभएको थियो । जो कालान्तरमा नेपालको पर्यटन क्षेत्रलाई चिनाउने एउटा बिम्ब बन्न पुग्नुभयो । हेरिटेजप्रेमी पर्यटन व्यवसायी अम्बिकाकोे ९२ वर्षको उमेरमा बिहीबार निधन भएको हो । केही महिनादेखि निमोनिया र बाथरोगबाट ग्रसित श्रेष्ठको मेडिसिटी अस्पताल ललितपुरमा उपचारकै क्रममा निधन भएको हो । यसअघि उहाँले प्राणघातक क्यान्सरलाई जितेर व्यवसायमा सक्रिय रहँदै आउनुभएको थियो । नेपालमा हेरिटेज पर्यटन प्रवद्र्धन गर्दै व्यावसायिक उचाइमा पुग्नुभएकी श्रेष्ठको स्वदेशमा मात्रै नभई विदेशमा समेत ख्याति छ ।
सन् १९३३ मा भारतको सिक्किममा जन्मिनुभएकी श्रेष्ठ विवाहपछि नेपालको पर्यटन क्षेत्रमा जोडिनुभएको थियो । काठमाडौंको बत्तीसपुतलीमा उहाँका श्रीमान् द्वारिकादास श्रेष्ठले २०२८ मा द्वारिकाज होटल सुरुवात गर्नुभएको थियो । २०४८ सालमा द्वारिकादासको निधनपछि अम्बिकाले सम्हाल्दै आउनुभएको द्वारिकाज होटल नेपालकै पहिलो स्तरीय हेरिटेज होटलका रूपमा ब्राण्डिङ भएको छ । नेपालमा हेरिटेज बेचेर व्यवसायी गर्न सकिन्छ भन्ने उदाहरण प्रस्तुत गर्नुहुने श्रेष्ठ हेरिटेज पर्यटनका पायोनियरका रूपमा स्थापित व्यक्तित्व भएको पर्यटन व्यवसायी बताउँछन् ।
नेपालमा महिला उद्यमशिलतमा प्रवद्र्धनमा समेत महत्वपूर्ण भूमिका खेल्दै आउनुभएकी श्रेष्ठको योगदान नेपालको पर्यटन प्रवद्र्धनमा अतुलनीय योगदान छ । सन् १९६० मा ट्राभल कम्पनी हुँदै पर्यटन व्यवसायमा प्रवेश गर्नुभएकी उहाँ हेरिटेज सोसाइटीका अध्यक्षसमेत हुनुहुन्थ्यो । नेपालको कला संस्कृति सम्बद्र्धन गरेर अघि बढ्ने श्रेष्ठको अद्वितीय योगदानकै कारण अहिले नेपालमा धेरै हेरिटेज होटल निर्माण भइरहेका छन् भने श्रेष्ठले द्वारिकाजको नाममा धुलिखेलमा पनि होटल सञ्चालन गर्दै आउनुभएको थियो । श्रेष्ठका दुई छोरीमध्ये एक छोरी द्वारिका होटल सञ्चालन गर्दै आउनुभएको छ । स्वर्गीय श्रेष्ठको आज (शुक्रबार) पशुपति आर्यघाटमा दाहसंस्कार गरिने बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच