एजेन्सी । आफ्नो समयका प्रभावशाली स्विडिस फुटबलर ज्लाटन इब्राहिमोभिचका छोरा पनि व्यावसायिक फुटबल यात्रामा निस्कनुभएको छ । ज्लाटनका छोरा म्याक्सिमिलियनले इटालियन सिरिए क्लब एसी मिलानसँग सम्झौता गर्नुभएको हो । १७ वर्षीय म्याक्सिमिलियनले व्यावसायिक फुटबल खेल्न पहिलोपटक कुनै पनि क्लबसँग सम्झौता गर्नुभएको हो । एसी मिलान ज्लाटन इब्राहिमोभिचको पूर्वक्लब पनि हो ।
ज्लाटनले लामो समय एसी मिलानबाट व्यावसायिक फुटबल खेल्नुभएको थियो । ज्लाटनले सन् २०२३ मा एसी मिलानबाटै आफ्नो व्यावसायिक खेलजीवनको अन्त्य पनि गर्नुभएको थियो । म्याक्सिमिलियनले पनि आफ्ना पिताको पदचिहृन पछ्याउँदै आगामी सिजन एसी मिलानको युवा टोलीबाट आफ्नो व्यावसायिक यात्रा अगाडि बढाउनुहुनेछ ।
आफ्नो उत्कृष्ट खेल कौशलका कारणमात्र होइन, मैदानमा साथी खेलाडीहरूसँग गर्ने उटपट्याङ व्यवहारका कारण पनि ज्लाटन चर्चित हुनुहुन्थ्यो । उहाँले स्पेनिस ‘पावर हाउस’ बार्सिलोना, इटालियन क्लब युभेन्ट्स र इन्टर मिलान, फ्रान्सेली क्लब पेरिस सेन्ट जर्मन, इंग्लिस प्रिमियर लिग क्लब म्यानचेस्टर युनाइटेड तथा अमेरिकी क्लब लस एन्जल्स ग्यालेक्सीबाट पनि व्यावसायिक फुटबल खेल्नुभएको थियो ।
ज्लाटनले एसी मिलानका लागि १६३ खेल खेल्दै ९३ गोल गर्नुभएको थियो । उहाँले सन् २०११ र सन् २०२२ मा एसी मिलानलाई सिरिएको उपाधि चुमाउन पनि महत्वपूर्ण योगदान गर्नुभएको थियो । ज्लाटनले आफ्नो समग्र खेलजीवनमा विभिन्न क्लबबाट कुल पाँच सय ११ गोल गर्नुभएको थियो ।
ज्लाटनले विभिन्न क्लबलाई ३४ वटा उपाधि चुमाउनुभएको थियो । त्यसमध्ये १२ वटा लिग उपाधि थियो । ४२ वर्षीय ज्लाटन ११ पटक बालन डी’ओर उपाधिका लागि मनोनयनमा पर्नुभएको थियो । उहाँ स्विडेनका लागि सर्वाधिक अन्तर्राष्ट्रिय गोल गर्ने खेलाडी पनि हुनुहुन्छ । उहाँले राष्ट्रिय टोलीबाट १२२ खेल खेल्दै ६२ गोल गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच