काठमाडौं । कम्प्युटर एसोसिएसन नेपाल महासंघ (क्यान महासंघ) को आयोजनामा शुक्रबार ‘होरिअन बिटुबी समिट २०२४ इन एसोसिएसन विथ बार कोड नेपाल’ हुने भएको छ । राजधानीको एभरेस्ट होटलमा हुने दोस्रो संस्करणको उद्घाटन समारोह सञ्चार तथा सूचना प्रविधिमन्त्री पृथ्वीसुब्बा गुरुङले गर्नुहुने बताइएको छ । बिटुबी समिट २०२४ को मुख्य विषयवस्तु ‘आइसिटी विकासका लागि नेटवर्किङ र सहकार्य’ रहेको क्यानले जनाएको छ ।
बिटुबी समिटमा व्यापारको भविष्यबारे किनोट स्पिच, डिजिटल रूपान्तरण, दिगोपन र इमर्जिङ मार्केटबारे छलफल, आर्टिफिसियल इन्टेलिजेन्सका साथै नेपालका लागि विभिन्न कम्पनीका आधिकारिक डिलर र रिसेलरबीच व्यापार प्रवद्र्धनको अवसर हुने आयोजकले जनाएको छ । जसले आयातकर्ता र बिक्रेताबीच ग्याप घटाउने बताइएको छ ।
क्यानका अनुसार बिटुबीमार्फत् देशभरका डिलरहरू र व्यवसायी जोडिने काम हुन्छ । समिटमा व्यवसायी, कर्पोरेट हाउस, प्रोफेसनलको अभूतपूर्व जमघट साथै नवीनतम प्रविधिको प्रदर्शनी हुने क्यान महासंघका अध्यक्ष रणजीत पोदारले जानकारी दिनुभयो । सम्मेलनले नेपालको आइसिटी क्षेत्रका चुनौती र अवसर सम्बोधन गर्ने उहाँको भनाइ छ । कार्यक्रममा आइसिटी, बैंकिङ, विकास फिनटेकलगायत क्षेत्रका सयभन्दा बढी प्रतिनिधिको सहभागिता रहने आयोजकको अपेक्षा छ ।
समिटले नेटवर्किङ, सहकार्य र आइसिटी उत्पादन र सेवा प्रदर्शन गर्न महत्वपूर्ण मञ्च प्रदान गर्ने महासंघका महासचिव चिरञ्जीवी अधिकारीले बताउनुभएको छ । उहाँका अनुसार आइसिटीमा आधारित व्यावसायिक फर्म र उद्यमशीलतामा लागेका नयाँ व्यवसायीका लागि आफ्ना उत्पादन र सेवा प्रवद्र्धन गर्ने, साझेदारी र सहकार्य सिर्जना गर्ने र नयाँ क्षेत्र र बजारमा आफ्नो व्यवसाय विस्तार गर्ने उत्कृष्ट अवसरका रूपमा समिट आयोजना हुनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच