![नयाँ फिल्म निर्देशन गर्दै मिलन चाम्स](https://ehimalayatimes.com/wp-content/uploads/2025/01/mialn-chams.jpg)
काठमाडौं । काठमाडौं जिल्ला अदालतले चलचित्र ‘एक्टर : टेक वन’को प्रदर्शन रोक्न अन्तरकालीन आदेश दिएको छ । अदालतले माघ २२ गते दुबै पक्षलाई छलफलमा समेत बोलाएको छ । मंगलबार न्यायाधीश ढाकाराम पौडेलको एकल इजलासले यस्तो आदेश दिएको हो चलचित्र ‘एक्टर’का निर्माताले ‘एक्टर : टेक वन’को प्रदर्शन रोक्न माग गर्दै शुक्रबार अदालतमा रिट दायर गरेका थिए । नामलाई लिएर दुबै चलचित्रबीच केही समयदेखि विवाद थियो । दायर रिटमा प्रतिलिपि अधिकार बमोजिम कारबाही गरी उचित क्षतिपूर्ति उपयुक्त आदेश माग गरिएको थियो ।
रिटमा चलचित्र विकास बोर्ड, निर्माता कम्पनी अदृत फिल्मस् र मोती फिल्मस्लाई विपक्षी बनाइएको छ । चलचित्रको नाम हुबहु चोरी गरेर मौलिकजस्तो देखिने गरी कानुनी प्रावधानसमेत छली नाम र कथावस्तु प्रयोग गरेर गैरकानुनी कार्य गरेको आरोप रिटमा लगाइएको छ । साथै, रिटमा ‘एक्टर ः टेक वन’लाई कुनै पनि विधि, पद्धति (चलचित्रघरमा, डिजिटल माध्यममा, टेलिभिजनमा) कहीँ कतै प्रदर्शन नगर्नू/नगराउनू भनी रोक्काको आदेशसमेत जारी गरी पाऊँ भन्ने माग गरिएको छ ।
अदालतको आदेशमा भनिएको छ, ‘निवेदकको चलचित्र एक्टर प्रदर्शन भइरहेको र प्रतिवादी कम्पनीबाट निर्मित चलचित्र प्रदर्शनको सँघारमा रहेको भन्ने देखिएकोले उक्त छलफलको अवधिसम्म सुविधा र सन्तुलनको हिसाबले ‘एक्टरः टेक वन’लाई सो अवधिसम्म प्रदर्शन नगर्नू/नगराउनू भनी चलचित्र विकास बोर्डसमेत विपक्षीको नाममा अल्पकालीन आदेश जारी गरिदिएको छ । आदेशको जानकारी विपक्षीलाई दिनु ।’
राजन भुसाल निर्देशित चलचित्र ‘एक्टर : टेक वन’ शहीद दिवसको अवसर पारेर आज (बुधबार)देखि यो चलचित्र सिनेमाघरमा आउँदै थियो । अदालतले अन्तरिम आदेश जारी गरेपछि रोकिने भएको छ । चलचित्र’मा प्रदीप खड्कासहित आना शर्मा, दिव्या रायमाझी, राजबल्लभ कोइराला, सुशील सिटौला, निश्चल बस्नेतलगायतको अभिनय छ । थमन भण्डारीको निर्माण रहेको चलचित्रको गीत र ट्रेलरबाट राम्रो हाइप बनेको थियो । तर, नामका कारण उत्पन्न विवाद अदालत प्रवेश गर्दा फिल्मको रिलिज नै रोकिन पुगेको छ ।
यो चलचित्रको सोमबार साँझ भक्तपुरको राधे राधेस्थित क्यूएफएक्स चेनको हलमा प्रिमियर गरिएको थियो । जहाँ चलचित्रकर्मीको उल्लेख्य उपस्थिति थियो । प्रिमियरमा चलचित्रले राम्रो प्रतिक्रिया प्राप्त गरेको थियो । कलाकारको अभिनय, कथावस्तु, ट्वीस्ट एन्ड टर्न, ब्याकग्राउण्ड स्कोरको बढी प्रशंसा भएको थियो । यही चलचित्रबाट डेब्यु गर्नुभएका निर्देशक राजन भुसालको कामको पनि धेरैले तारिफ गरेका थिए । थमनकुमार भण्डारीको निर्माण रहेको यो चलचित्रले ‘स्टार’ बन्न एक पात्रले गर्ने संघर्षको कथा भन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच