काठमाडौं । चलचित्र ‘कुस्ती’को छायांकन सकिएको छ । काठमाडौं तथा आसपासका क्षेत्रमा छायांकन गरिएको चलचित्रको ३९औं दिनमा ‘इन्डक्ल्याप’ गरिएको हो । गीतको छायांकन गर्न भने बाँकी रहेको निर्माता तथा निर्देशक अनिल योञ्जनले जानकारी दिनुभयो । फरक स्वभावका कारण एकसाथ रहन संघर्ष गर्न बाध्य जोडीको कथा यो चलचित्रले देखाउनेछ । छुट्टिएर बस्न नसक्ने र सँगै रहन पनि नसक्ने मनका भावनाहरूको कथा चलचित्रले उठान गर्ने निर्देशकको भनाइ छ ।
चलचित्रमा धीरज मगर, मिरुना मगर, पुस्कर गुरुङ, लुनिभा तुलाधर, भोलाराज सापकोटा, दीकिला शेर्पा, रवीन्द्र झा, पुस्कर गुरुङ, राजाराम पौडेल, किरण केसीलगायत कलाकारको अभिनय छ । एमटिभीको चर्चित भारतीय रियालिटी शो ‘स्प्लिट्सभिल्ला’ सिजन ५ बाट चिनिनुभएकी दिकिला शेर्पाको यो डेब्यु नेपाली चलचित्र हो ।
चलचित्रमा उमंग शाहीको छायांकन, मित्रदेव गुरुङको सम्पादन, दीपक शर्मा, अनिल योञ्जन, कल्याण सिंहको संगीत, शिशिर खातीको नृत्य निर्देशन छ । डिजिटल पार्टनरको रूपमा ओएसआर डिजिटल रहेको चलचित्रमा ड्रेस आइआइएफटी (धीरज एण्ड मिरुना) र बोमी राईले स्टाइलिस गर्नुभएको छ । काठमाडौं ऋच इन्टरटेनमेन्ट र एप्पल इन्टरटेनमेन्ट तथा मोफसल एफडी कम्पनिले प्रदर्शनका लागि वितरण गर्ने यो चलचित्र आउँदो वर्ष विसं २०८२ को भदौमा प्रदर्शन हुने निर्माणपक्षले जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच