काठमाडौं । नेप्लिज फेसन होमले नेवार बालिकाको प्रतिभा प्रष्फुटनका लागि हरके वर्ष आयोजना गर्दै आएको मिस लिटील नेवाः को १४औं संस्करणअन्तर्गतको ट्यालेण्ट शो राउण्ड सम्पन्न गरेको छ । नेवारी कला, भाषा, संस्कार तथा सस्कृतिको जगेर्ना गर्ने उद्देश्यले आयोजना हुँदै आएको प्रतियोगिता अन्तर्गतको ट्यालेन्ट शो नेपाल प्रज्ञा प्रतिष्ठानमा सम्पन्न भएको हो ।
मिस लिटिल नेवाः ट्यालेन्ट चयनका लागि भएको ट्यालेण्ट शोका सहभागीहरूले आफूमा अन्र्तनिहीत प्रतिभा प्रदर्शन गरेर निर्णायक तथा अभिभावकलाई आकर्षित गर्ने प्रयास गरेका थिए ।
ट्यालेन्ट शोमा अविषा महर्जन, रोनिशा खड्गी, इच्छा महर्जन, मुखु महर्जन, नुजला सिंं महर्जनसफिना श्रेष्ठ, सुज्योजी डंगोल, वेदान्शी डंगोल, अनिका महर्जन, सुहिना श्रेष्ठ र लुमना महर्जनले नृत्य, लुन्जला महर्जन, विमिशा डंगोल र रुही महर्जनले कुमारी नृत्य, विपश्वी मानन्धरले जिम्न्यास्टिक, निलीशा जोशी, प्राज्ना महर्जन र निभा कायष्थले चित्रकला तथा ग्रीष्मा राजचलले गायन कला प्रस्तुत गरेर मोहित तुल्याउने प्रयास गर्नुभएको थियो ।
प्रमुख अतिथि महिला उद्योमी तथा साहित्यकार अञ्जना ताम्राकारले पानसमा दीप प्रज्वलन गरी शुभारम्भ गरेको कार्यक्रम आयोजक नेप्लिज फेशन होमकी अध्यक्ष तथा समाजसेवी हेमा मानन्धरको सभापतित्वमा सम्पन्न भएको थियो । लिटिल नेवाः आर्या श्रेष्ठ, समाजसेवी सुरबहादुर श्रेष्ठ, किड् क्विन अपेक्षा शेरचन र समाजसेवी अनु शेरचनको विशेष आतिथ्यतामा सम्पन्न ट्यालेण्ट शोमा विश्व क्योकुशिन सेइसिन काई कराते महासंघका उपाध्यक्ष तथा नेपाल प्रमुख शिहान अशोककुमार श्रेष्ठ, पत्रकार तथा साहित्यकार सृजना दुवाल, महिला उद्योमी तथा समाजसेवी रेश्मा श्रेष्ठ, मिस नेवाः २०२२ शलिना महर्जन, फेसन डिजाइनर तथा नायिका शोभा महर्जन र पुर्व मिस नेवाः रेजिशा डंगोल निर्णायक रहनुभएको थियो । कार्यक्रम मिस नेवा : नेपाल २०२० नितु डंगोलले सञ्चालन गर्नुभएको थियो ।
१४ वर्ष मुनिका १९ जना नेवार बालिकाले अन्तिम स्पर्धा गर्ने १४औं संस्करणको मिस लिटिल नेवाः२०२२ मिस नेवा : नेपाल २०२१ कृषा महर्जनको संयोजन र प्रदीका महर्जनको उपसंयोजन तथा मिस नेवाः नेपाल २०२२ विजेता सलिना महर्जन र उप विजेता प्रिया तण्डुकारको कोरियोग्राफीमा सम्पन्न हुने बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच