जेठमा ‘नीरफूल’

१ चैत्र २०७९, बुधबार ०६:१०

Read Time = 3 mins

प्रिन्ट संस्करण

मनोरञ्जन

मनोरञ्जन ताजा समाचार

A A- A+

काठमाडौं । चलचित्र ‘नीरफूल’ जेठमा देशभरका सिनेमाघरमा आउने भएको छ । कोरोना भाइरस (कोभिड-१९)को महामारीका कारण तीन वर्षअघि रिलिज स्थगित भएको यो चलचित्रको सिनेमाघरमा आउने नयाँ मिति जेठ १९ लाई तय गरिएको हो ।

२०७६ चैत ७ गते रिलिज हुनै लाग्दा सरकारले त्यसको दुई दिनअघि मात्रै कोरोना महामारीका कारण सम्पूर्ण सिनेमाघर बन्द गरेपछि यो चलचित्रको प्रदर्शन रोकिएको थियो । भूकम्पका कारण बिछोडिएका एक परिवारको सदस्यले पुनर्मिलनका लागि गरेका प्रयत्नमा आधारित ‘नीरफूल’लाई फूलमान वलले निर्देशन गर्नुभएको हो ।

रुबिभ्याली र काठमाडौंमा छायांकन गरिएको चलचित्रमा दयाहाङ राई, रेखा थापा, शान्ति वाइबा, बुद्धि तामाङ, पुष्कर गुरुङ, जिम्मे छयोइकी घिसिङ, राजन खतिवडा, सरोज अर्याल, सरिता गिरीलगायतले अभिनय गर्नुभएको छ । चलचित्रमा म्यान्मारका तत्कालीन राजदूत ऊ लिउन उ र अभिनेत्री रेखा थापालाई विशेष भूमिकामा हेर्न सकिन्छ ।

फ्रेन्ड्स अफ नेपाल-म्यानमार फ्रेन्डसिप काउन्सिलको सहकार्यमा सेलो प्रोडक्सनले निर्माण गरेको चलचित्रको कार्यकारी निर्माता दुबईकी डोमा सोनाम हुनुहुन्छ । निर्माताका रूपमा कतारबाट माया केसी, बेलायतबाट दीपक श्रेष्ठ, इजरायलबाट चन्द्रमाया तामाङ, जापानबाट उदय लामा, अमेरिकाबाट रोज लामा, कोरियाबाट दिनेश लम्तरी मगर र नेपालबाट दिजेश श्रेष्ठ, तेञ्जिन सोनाम लामा, अजितमान तामाङ, गणेश थापा, अशोक थापा, विके श्रेष्ठलगायत रहनुभएको छ ।

प्रमोद कार्कीको छायांकन, अर्जुन पोखरेल र चन्द्रकुमार दोङको संगीत, निमेष श्रेष्ठको सम्पादन रहेको चलचित्रको वितरकमा गोविन्द शाही र मनोज राठी रहनुभएको छ ।

चलचित्र

सिनेमाघर

यो खबर पढेर तपाईलाई कस्तो महसुस भयो ?