कविता : मेरो जन्मथलो पालुबारी

हिमालय टाइम्स

२ मङ्सिर २०८०, शनिबार ०६:३४

Read Time = 1 min

प्रिन्ट संस्करण

साहित्य/कला

A A- A+

दीपकराज पौड्याल

काठमाडौ जिल्ला शंखरापुर नगर पूर्वमा छ पालुबारी
सबैको मन मन्त्रमुग्ध हुन्छ देखेर यहाँको हरियाली
उत्तरतर्फ हरियाली वन छ दक्षिणमा छ नगरकोट
बिचमा फाँट रसिलो जामिन राम्रो छ यहाँको बनोट

न धेरै जाडो न धेरै गर्मी बस्नलाई उद्गमस्थल
भक्तपुर र काठमाडौंबीचमा बग्दछ नदी कलकल
यसै ठाउँको पश्चिमतर्फ धार्मिक स्थल शालीनदी
परापूर्व कालमा नवराज राजाको यो राज्यनगरी

श्री वनमा स्थित पञ्चमहालक्ष्मी छिमेकी बनेर
आएकी छन् बस्न सम्पूर्ण भेगको रक्षा गर्छु भनेर
वारिपट्टि अर्को शालग्राम मन्दिर पारि छन् जालपा
जुन ठाउँ जाउँ जुन मन्दिर जाउँ रोमाञ्चित मनमा

उत्तरपूर्व बिसंभरा नारायणको बिराजमान यहाँ छ
नवराजलाई राजा बनाउने हरिहर यिनै हुन् भनिन्छ
जति वर्णन गरौं भन्छु यस ठाउँको गर्नलाई गाह्रो छ
केही शब्द कोरेर भए नि यो मन धेरै खुशी भएको छ ।
शंखरापुर नगरपालिका वडा नं-५ काठमाडौं
हाल : का.म.पा. वडा नं-४ ।

रचना

कविता

साहित्य

यो खबर पढेर तपाईलाई कस्तो महसुस भयो ?