काठमाडौं । पर्सा मिलन केन्द्र स्थापनाको तेइसौं वार्षिकोत्सवको अवसरमा विभिन्न व्यक्तिलाई सम्मानित गरिएको छ । शनिबार काठमाडौंमा आयोजित एक कार्यक्रमबीच उपराष्ट्रपति रामसहायप्रसाद यादवको प्रमुख आतिथ्यतामा विभिन्न क्षेत्रमा रहेर योगदान पु¥याएका व्यक्तिहरूलाई सम्मानित गरिएको थियो ।
सम्मानित हुनुहुनेहरूमा शिक्षातर्फ प्रा.डा.रामदेव तिवारी, स्वास्थ्यतर्फ स्त्री रोग विशेषज्ञ प्रा.डा.अचला वैद्य, कलातर्फ लोकगायक सलीम अहमद, साहित्यतर्फ कवि दिनेश गुप्ता, उद्योगतर्फ ताराचन्द्र केडिया र व्यवसायतर्फ उर्मिला श्रेष्ठ प्रधान रहनुभएको छ ।
त्यस्तै, खेलकुदबाट कुस्तीका राष्ट्रिय खेलाडी कुन्दन साह तुरहा, सामाजिकतर्फ मनोज राम, सञ्चारतर्फ रेडियोकर्मी ध्रुवकमार साह तेली, विज्ञान तथा प्रविधितर्फ इञ्जिनियर चन्द्रेश्वर राई र विविध सञ्चारतर्फ टेलिभिजनकर्मी प्रतिमा चौधरी सम्मानित हुनुभएको छ ।
यस्तै, कदर पत्र पाउनेहरूमा प्रतिमा चौधरी (सञ्चार), रुबी राणा शाह (प्रथम मिस नेपाल), उषा खड्गी (मिस नेपाल), प्रसिद्धि शाह (मिस नेपाल इन्टरनेशनल २०२३), प्रविण मानन्धर (रक्तदान संचार सेवा), प्रदर्शनी कुमारी (महिला पूर्वप्रमुख जिल्ला अधिकारी), डा.सुरेन्द्र महतो (विद्यावारिधि), मिरा शाह (पोषण विज्ञ), अरविन्द साह (खल्ती एप), प्रथा बस्नेत, राजन श्रीवास्तव (समाज सेवा), ई.आयुष केडिया (युवा व्यवसाय), हिमान्सु गुप्ता (रजत पदक जुडो), मुस्कान खातुुन (एसिड आक्रमण विरुद्धको अभियन्ता), रिंकुकुमारी ठाकुर (बाल विवाहविरुद्धको अभियन्ता), श्रवणप्रसाद साह (दैनिक भोजपुरी टाईम्स र मनिष पौडेल (डिजिटल मेडिया), डा.ज्याउल हक अंसारी (विद्यावारिधि), इञ्जिनियर अंकु जयसवाल रहनुभएको छ ।
त्यस्तै प्रशंसा पत्र पाउनेहरूमा मुकेश महतो नुनियाँ (पेन्टीङ), अमोद प्रसाद गुप्ता (भोजपुरी कविता) र नरेशकुमार पटेल रहनुभएको छ । उहाँहरूलाई प्रमुख अतिथि रहेका उपराष्ट्रपति यादव र विशेष अतिथि रहनुभएका उद्योग तथा वाणिज्य मन्त्री रमेश रिजालले सम्मानित गर्नुभएको थियो ।
कार्यक्रमको सभापतित्व केन्द्रका अध्यक्ष रौनियारले गर्नुभएको थियो भने कार्यक्रममा निवर्तमान अध्यक्ष महेशबहादुर श्रेष्ठ, प्रथम उपाध्यक्ष अमु सिंह सिजापति, पर्सा दिवस समारोह तथा केन्द्रका उपाध्यक्ष अताउल्लाह अंसारी, महासचिव ललनप्रसाद साह, पूर्व अध्यक्ष तथा सल्लाहकारहरू वेदमान सिंह मल्ल, वीरभद्रविक्रम शाह, प्रमोदप्रसाद नेपाल, लक्ष्मी गोपाल श्रेष्ठलगायत व्यक्तिहरूको उपस्थिति थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच