काठमाडौं । बिग आइकोन २०११बाट नेपाली सांगीतिक क्षेत्रमा प्रवेश गर्नुभएका महेन्द्रराज बराल टप सात बाट बाहिरएपछि उहाँले २०१५ मा ‘तिमी कहाँ’ बोलको पहिलो गीत रेकर्ड गराउनुभएको थियो । २०४६ सालमा बुबा तारा बराल र आमा लक्ष्मीको जेठो सन्तानको रूपमा कास्की पोखरामा जन्मिनु भएका बरालले आफ्नो अध्ययनलाई निरन्तरता दिँदै गीतसंगीतलाई पनि अगाडि बढाउँदै आउनुभएको छ । पहिलो सिजन नेपाल आइडल र दोस्रो सिजनमा समेत सहभागिता जनाउनुभएको थियो उहाँले ।
बरालका केही चलेका गीतहरूमा ‘जोगी, बोलिदेउ सान्नानी, नभए साहारा, रुमालै चिनो, धोई धोई निगालोको डोको, सानु माया, गयौं मलाई ढाटी, आशुको मूल, तिमीलाई उपहार, खुशी बाँडे बढ्छ खुशी, साँचो मायाँगर्छु भन्नेलाई, मोटर बाटो, ए झरी, काली तरेर’लगायत धेरै रहेका छन् ।
आधुनिक गीतसंगीतको अवस्था सन्तोषजनक नै रहेको बताउने बराल भन्नुहुन्छ, ‘जे जति भइरहेछ, संख्यागत रूपमा राम्रो छ । सानो र थोरै श्रोता भएको देशमा पनि यत्तिको गीत सिर्जना हुनु अत्यन्त सुखद् पक्ष हो । तर, केही आलाकाँचा मान्छेहरूले संगीत क्षेत्रलाई मनोरञ्जनका निम्ति लिने गरेको पाइन्छ । गीतसंगीत क्षेत्रलाई समय बिताउने माध्यम र मनोरञ्जनका निम्ति आएका केही सर्जकले गरेका सिर्जनाका कारण बिग्रेको अवस्था छ ।’
पछिल्लो समय गीतसंगीत सुन्नेमात्र नभएर हेर्ने माध्यम पनि बनेका कारण गीत बनाएरमात्र पुग्दैन म्युजिक भिडियो अनिवार्य रूपमा बनाउनै पर्ने बाध्यताले गर्दा गीतसंगीत क्षेत्र महँगो बन्दै गएको उहाँको बुझाइ छ । केही भिडियोमा गीतसंगीतको मर्म र भावनात्मक पक्षभन्दा पनि विभिन्न अंग इंगित गर्ने, प्रदर्शन गर्नेजस्ता नकारात्मक पक्षहरू देखिन थालेकाले यस्ता दृश्यमा सम्पादन र सुधार हुनुपर्ने उहाँको धारणा छ ।
हालै दुबईमा सम्पन्न पाँचौं ज्योति फिल्मस् म्युजिक अवार्ड २०२३ बाट आधुनिकतर्फ नवगायकबाट सर्वोत्कृष्ट गायनको अवार्ड पाउन सफल बरालको स्वरमा नयाँ गीत ‘फूल रसैले’ सार्वजनिक हुने क्रममा छ । जुन गीतमा संगीत अर्जुन पोख्रेल, शब्द यादव लम्साल र उहाँलाई स्वरमा समीक्षा अधिकारीले साथ दिनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच