संयुक्त कविताकृति ‘आमा’ लोकार्पण

हिमालय टाइम्स

२० पौष २०८०, शुक्रबार ०४:३४

Read Time = 2 mins

प्रिन्ट संस्करण

साहित्य/कला

A A- A+

काठमाडौं । तीन सर्जकको संयुक्त कविताकृति ‘आमा’ लोकार्पण गरिएको छ । काठमाडौंमा नेपाली लेखक संघको आयोजनामा चर्चित तीन कवि मेघराज मञ्जुल, शिव गौतम र तीर्थ श्रेष्ठको संयुक्त कविताकृति ‘आमा’ लोकार्पण गरिएको हो । प्रमुख अतिथि शिक्षाविद् केदारभक्त माथेमालगायतले कृति सार्वजनिक गर्नुभएको थियो । कृतिभित्र मञ्जुल र गौतमका २०/२० र श्रेष्ठका १५ कविता समेटिएका छन् ।

प्रमुख अतिथि माथेमाले तीनै कविहरूको प्रसंशा गर्दै कविता संग्रहभित्र आमासँगै प्रकृतिको वर्णनले यसलाई सुन्दर बनाएको जिकिर गर्नुभयो । कार्यक्रममा कवि मञ्जुलले आमामाथि लेखिएका कविताहरू प्रकाशनका लागि गौतम र श्रेष्ठसँग सल्लाह गरेपछि यो कृति पाठकमाझ आएको जनाउनुभयो ।

कवि श्रेष्ठले आमामाथि युगौंदेखि कविता लेखिँदै आएको बताउँदै कृति प्रकाशनबारे जाकारी प्रस्तुत गर्नुभएको थियो । यस्तै कवि गौतमले कविताकृति प्रकाशनका विषयमा चर्चा गर्नुभयो । सो अवसरमा तीनै कविले दुई–दुईवटा कविता वाचन गर्नुभएको थियो । कार्यक्रममा साहित्यकारहरू माया ठकुरी, डा. रत्नमणि नेपाल, समाजसेवी दुर्गा घिमिरे र सन्ध्या पहाडीले आ–आफ्ना भनाइ राख्नुभएको थियो ।

कविताकृति

लोकार्पण

यो खबर पढेर तपाईलाई कस्तो महसुस भयो ?