वासिङ्टन डिसी । डिसी युनाइटेड घरेलु मैदानमा नै पराजित भएको छ । शनिबा दिउँसो आउडी फिल्ड रंगशालामा भएको खेलमा डिसी इन्टर मियामीसँगै ३–१ गोल अन्तरले पराजित भएको हो ।
मियामीका लियोनल मेस्सी घाइते भएर अनुपस्थित थिए । खेलमा डीसीले सुरुवाती अग्रता बनाएको थियो । तर त्यसलाई जोगाउन सकेन । लियोनार्दो कम्पानाले डिसीविरुद्ध बराबरी गोल फर्काएका थिए ।
खेल एक एक गोलको बराबरी रहँदा ६२ औँ मिनेटमा मैदान प्रवेश गरेका लुइस स्वारेजले टिमलाई जित दिलाउन महत्वपूर्ण भूमिका निर्वाह गरे । उनले मेस्सीको अभाव हुन दिएनन् ।
स्वारेजले मैदान प्रवेश गरेको दसौँ मिनेटमा कम्पानाको पासमा गोल गरेर मियामीलाई अग्रता दिलाए । स्वारेजले ८५ औँ मिनेटमा व्यक्तिगत दोस्रो गोल गरेर खेललाई ३–१ को स्थितिमा पुर्याए । जितसँगै मियामील्े तीन अंक जोडेको छ ।
पाँच खेलबाट १० अंक जोडेको मियामी शीर्ष स्थानमा रहेको छ भने एक खेल कम खेलेको डिसी पाँच अंकसहित सातौँ स्थानमा रहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच