काठमाडौं । सिटिजन्स बैंक इन्टरनेसनल १७ वर्ष पूरा गरी १८औँ वर्षमा प्रवेश गरेको छ । २०६४ साल वैशाख ७ गते २०औँ वाणिज्य बैंकका रूपमा स्थापना भएको बैंक शुक्रबारदेखि १८औँ वर्षमा प्रवेश गरेको हो । यसबीचमा बैंक करिब १७ लाख २४ हजार ग्राहकलाई वित्तीय सेवा प्रदान गर्न सफल भएको छ । सातवटै प्रदेशमा फैलिएका एक सय ९० शाखामार्फत् चालु आर्थिक बर्षको तेस्रो त्रैमाससम्ममा बैंकको कुल निक्षेप करिब एक खर्ब ८४ अर्ब रहेकोमा कर्जातर्फ एक खर्ब ५६ अर्ब रहेको बैंकले जनाएको छ । सो अवधिमा बैंक करिब एक अर्ब २१ करोड खुद मुनाफा आर्जन गर्न सफल भएको छ ।
बैंकले १७औँ वार्षिकोत्सवका अवसरमा शुक्रबार बिहानै सातवटै प्रदेशमा करिब १० सय ५३ कर्मचारीको सहभागितामा प्रभातफेरी आयोजना गरेको छ । जसबाट जनमानसमा वित्तीय ज्ञानसमेत अभिमुखीकरण हुने अपेक्षा बैंकले लिएको छ । साथै संस्थागत सामाजिक उत्तरदायित्व कार्यक्रमअन्तर्गत बैंकले रक्तदान कार्यक्रमसमेत आयोजना गरेको छ । नेपाल रेडक्रस सोसाइटीसँगको सहकार्यमा सातवटै प्रदेशका कुल २५ शाखाबाट करिब छ सय ८४ जना रक्तदाताको सहभागितामा रक्तदान कार्यक्रम सम्पन्न भएको बैंकले जनाएको छ ।
सोही अवसरमा मधेश प्रदेशअन्तर्गत वीरगञ्ज शाखा र लुम्बिनी प्रदेशअन्तर्गत बुटवल शाखाले निःशुल्क स्वास्थ्य शिविर सञ्चालन गरेका छन् । शिविरमा करिब तीन सय सेवाग्राहीले निःशुल्क स्वास्थ्य परीक्षण गराउनुका साथै आवश्यक औषधिसमेत निःशुल्क प्राप्त गरेका बैंकले जनाएको छ । वार्षिकोत्सवका अवसरमा बैंकले सिटिजन्स स्मार्ट बचत खातालाई १७ थरी आकर्षक सुविधा थप गरेर ल्याएको छ ।
अब ग्राहकले यस्तो योजनाअन्तर्गत खाता खोल्दा आकर्षक थप १७ सुविधा निश्चित समयका लागि प्राप्त गर्न सक्नेछन् । सिटिजन्स बैंकले बचतसम्बन्धी विषय ध्यानमा राख्दै वित्तीय साक्षरतासम्बन्धी एक भिडियो सामग्रीसमेत सार्वजनिक गरेको छ । ग्राहकको सुविधालाई मध्यनजर गर्दै यसै दिनदेखि बैंकले आफ्ना थप छवटा शाखाबाट प्रिभिलेज काउन्टरसमेत सुरु गरेको छ ।
काठमाडौं उपत्यकाभित्र कुमारीपाटी, बौद्ध, कोटेश्वर र न्युरोड शाखामा र उपत्यकाबाहिर बुटवल र हस्पिटललाइन शाखामा शुक्रबारदेखि प्रिभिलेज काउन्टर सुचारु भएको हो । त्यसैगरी सिटिजन्स बैंकको मुख्य प्रायोजनमा १०औँ सिटिजन्स बैंक खुला टेनिस प्रतियोगिता वैशाख ९ देखि १५ गतेसम्म दशरथ रंगशालामा हुने भएको छ ।
यो खबर पढेर तपाईलाई कस्तो महसुस भयो ?
1
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच