![बैंकरलाई अर्थमन्त्रीको ढाडस-विश्वास बोकेर फर्किनुस्, सरकार तपाईंहरूसँगै छ](https://ehimalayatimes.com/wp-content/uploads/2023/02/Bishnu-Poudel.jpg)
काठमाडौं । ऊर्जा, जलस्रोत तथा सिँचाइमन्त्री दीपक खड्काले देशमा उपलब्ध स्रोतका हिसाबले ऊर्जा क्षेत्र महत्वपूर्ण रहेको भन्दै देशको ऊर्जा प्रवद्र्धनमा लागेका निजी क्षेत्रका प्रवद्र्धकसँग मिलेर काम गर्नुको विकल्प नभएको बताउनुभएको छ । मंगलबार विद्युत् विकास विभागको ३१औँ वार्षिकोत्सव कार्यक्रमममा उहाँले यस्तो बताउनुभएको हो । विद्युत् निर्यात तथा आन्तरिक खपत बढ्दै जाने भएकाले पनि माग र आपूर्ति गर्न निजी क्षेत्रको साथ र सहयोगबिना सम्भव नहुने उहाँको भनाइ थियो । ऊर्जा क्षेत्रको प्रवद्र्धनका लागि निजी क्षेत्रका प्रवद्र्धकका समस्या समाधान गर्ने आश्वासन दिँदै मन्त्री खड्काले भन्नुभयो, ‘म जति दिन मन्त्रालयमा बस्छु सबैसँग विवेकपूर्ण व्यवहार हुनेछ ।
विगतमा आफ्नै जिल्ला संखुवासभामा पनि बाढी पहिरोले २५ जनाभन्दा धेरैको ज्यान गएको, धेरै विद्युत् आयोजनामा ठूलो क्षति पुगेको छ, निजी क्षेत्रका यस्ता समस्यामा सरकारले सक्दो सहयोग गर्छ । हिजो के भने भन्ने भन्दा पनि अब समस्या समाधानमा कसरी अघि बढ्ने भन्ने सोच बनाएर जानुपर्नेछ । कानुनी अड्चन, मापदण्ड जस्ता कुराले पनि अप्ठ्यारो पारिराखेको हुनसक्छ, त्यस्तो नहोस् ।’
उहाँले नेपालको समृद्धिको आधार नै ऊर्जा क्षेत्र भएको र हाल ऊर्जा क्षेत्रले वार्षिक चार÷पाँच अर्ब रुपैयाँ राजस्वमा योगदान पु¥याइरहेको भन्दै आगामी दिनमा योगदान कति प्रतिशत पुर्याउन सकिन्छ भन्नेबारेमा सोचविचार गर्नुपर्ने बताउनुभयो ।
आफू भर्खर आएको भन्दै मन्त्रालय र ऊर्जा क्षेत्रबारे बुझेर समस्या समाधानमा लाग्ने पनि मन्त्री खड्काले बताउनुभयो । आफूहरूलाई चुप लागेर बस्ने र तीव्र गतिमा काम नगर्ने छुट नरहेको उहाँले बताउनुभयो । मन्त्री खड्काले भन्नुभयो, ‘प्रधानमन्त्रीज्यूले हिजोमात्रै भन्नुभएको छ, हामीलाई चुप लागेर बस्ने र तीव्रगतिमा काम नगर्ने छुट छैन, म पनि यही चाहन्छु, देशका दुई ठूला दल मिलेर सरकार बनेपछि तीव्रगतिमा विकासका काम भएनन् भने नागरिकमा वितृष्णा पलाउनेछ । त्यसो हुन नदिन हामीले आशा जगाउने गरी काम गर्नुपर्नेछ ।’
स्वतन्त्र ऊर्जा उत्पादकहरूको संस्था, नेपाल (इप्पान)का वरिष्ठ उपाध्यक्ष मोहनकुमार डाँगीले संसद्मा दर्ता भएको विद्युत् विधेयक फिर्ता गरेर पुनर्लेखन गर्नुपर्ने बताउनुभयो । विद्युत् ऐन २०४९ संशोधन गरेर विद्युत् व्यापारमा निजी क्षेत्रको सहभागिता सुनिश्चित गर्दा उक्त ऐन नै सर्वमान्य हुने भन्दै उहाँले विद्युत् ऐन २०४९ ले दिएको स्पेयर्स पार्ट्समा एक प्रतिशत भन्सारको सुविधा बजेटले कटौती गर्दा गत वर्षको बाढीले क्षति पुगेका ३१ जलविद्युत् आयोजनाले भन्सार छुटमा सामान ल्याउन नपाएको गुनासो गर्नुभयो । साथै उहाँले निजी क्षेत्रले बाढी पहिरोलगायतका मानवीय नियन्त्रणबाहिरका परिस्थिति सिर्जना भएकाले सबै जलविद्युत् आयोजनाका लागि मागेको आरसीओडीको म्याद थप्न, ऊर्जा मन्त्रालयले बनाउने विभिन्न समितिमा ३३ सय मेगावाट विद्युत् उत्पादनमा ७० प्रतिशत हिस्सा ओगट्ने निजी क्षेत्रको प्रतिनिधित्व अनिवार्य गरेर निजी क्षेत्रका कुरा सुन्ने वातावरण बनाउनुपर्नेमा जोड दिँदै सेयर बजारमार्फत् जलविद्युत्मा लगानी गरेका ६० लाख लगानीकर्ताको हित हुनेगरी ऊर्जा क्षेत्रसम्बद्ध सबै निकायले काम गर्नुपर्ने बताउनुभयो ।
२० विद्युत् कम्पनी सम्मानित
विभागले गत आर्थिक वर्ष विद्युत् उत्पादन गर्ने विभिन्न आयोजना प्रवद्र्धक कम्पनीलाई सम्मान प्रदान गरेको छ । लिखु २ जलविद्युत् आयोजनाका प्रवद्र्धक ग्लोबल हाइड्रोपावर एसोसिएट लिमिटेड, माथिल्लो सुरी खोला जलविद्युत् आयोजनाको प्रवद्र्धक मकर जितुमाया सुरी हाइड्रोपावर, डाउन पिलुवा जलविद्युत् आयोजना प्रवद्र्धक रिभर फल्स पावर लिमिटेड, माथिल्लो चमेलिया जलविद्युत् आयोजनाको अपि पावर कम्पनी लिमिटेड, माथिल्लो सानिगाड जलविद्युत् आयोजनाको बुंगल हाइड्रो लिमिटेड, घार खोला जलविद्युत् आयोजनाको म्याग्दी हाइड्रोपावर लिमिटेड, साञ्जेन(माथिल्लो) जलविद्युत् आयोजनाको साञ्जेन जलविद्युत् कम्पनी, गेलुन खोला जलविद्युत् आयोजनाको गेलुन हाइड्रोपावर कम्पनी, सुपर चेपे जलविद्युत् आयोजनाको रिज लाइन इनर्जी लिमिटेड सम्मानित भएका हुन् ।
त्यस्तै माथिल्लो मैलुङ खोला जलविद्युत् आयोजनाको
माथिल्लो मैलुङ खोला जलविद्युत् लिमिटेड, याम्बली खोला जलविद्युत्को याम्बली हाइड्रोपावर, लिखु १ जलविद्युत् आयोजनाको पान हिमालय इनर्जी, निलगिरि खोला-२ क्यास्केड जलविद्युत् आयोजनाको निलगिरि खोला हाइड्रोपावर, माथिल्लो इडवा खोला साना जलविद्युत् आयोजनाको इडवा हाइड्रोपावर, माथिल्लो मिदिम जलविद्युत् आयोजनाको भुजुङ हाइड्रोपावर, माथिल्लो फावा खोला जलविद्युत् आयोजनाको युनिटेक हाइड्रोपावर कम्पनी, मध्य तमोर जलविद्युत् आयोजनाको सानिमा मिडल तमोर हाइड्रोपावर, माथिल्लो चिरख्वा जलविद्युत् आयोजनाको चिरख्वा हाइड्रोपावर, सेती खोला जलविद्युत् आयोजनाको पर्वत पैयु खोला हाइड्रोपावर र चेपे खोला जलविद्युत् आयोजनाको प्रवद्र्धक चम्पावती हाइड्रोपावर लिमिटेड सम्मानित भएका विभागले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच