![सुरक्षित कारोबार ऐन संशोधन हुँदा अचल सम्पति नहुने व्यक्तिहरुको कर्जामा समान पहुँच बिस्तार हुन्छः अर्थमन्त्री पौडेल](https://ehimalayatimes.com/wp-content/uploads/2024/03/bishnu-poudel-1.jpg)
काठमाडौं । निरन्तर बढ्दो क्रममा रहेको सेयर बजार मंगलबार पनि ७५.३३ अंकले बढेर २५६३.४३ अंकमा पुगेको छ भने भने १४ अर्बभन्दा बढीको कारोबार भएको छ । यस दिन तीन सय १७ कम्पनीका तीन करोड ९७ लाख ९० हजार आठ सय ८९ कित्ता सेयर एक लाख ७१ हजार तीन सय ८७ पटक कारोबार हुँदा दैनिक कारोबार रकम १४ अर्ब ११ करोड ६३ लाख ३० हजार नौ सय ९५ रुपैयाँ पुगेको हो ।
आठ कम्पनीको सेयर मूल्यमा सकारात्मक सर्किट लागेको यस दिन बोटलर्स नेपाल लिमिटेड, समृद्धि फाइनान्स, माण्डु हाइड्रोपावर, हाथवे फाइनान्स, नेपाल वेयर हाउजिङ, साहस ऊर्जा, ग्लोबल आइएमई ब्यालेन्स्ड फण्ड-१ र हिमालय ऊर्जा विकास कम्पनीको सेयर मूल्य १० प्रतिशतले बढेको छ । युनिभर्सल पावर ९.८३, पिपुल्स हाइड्रोपावर ८.७२, मेरो माइक्रोफाइनान्स ८.५९ र चन्द्रागिरि हिल्सको ८.३० प्रतिशतले बढेको छ ।
तर, गणपति लघुवित्तको सेयर मूल्य सबैभन्दा धेरै ५.८३ प्रतिशतले घटेको छ भने १०.२५ प्रतिशत माछापुच्छ्रे बैंक डिबेञ्चर २०८५ को मूल्य ३.९५, ८.५ प्रतिशत माछापुच्छ्रे बैंक डिबेञ्चर २०८७ को ३.६९, आरम्भ चौतारी लघुवित्त र मन्दाकिनी हाइड्रोपावरको ३.२३ प्रतिशतले सेयर मूल्य घटेको छ । कारोबार रकमका आधारमा शीर्ष स्थानमा रहेको शिवम् सिमेन्ट्सको २४ करोड ६९ लाख २३ हजार रुपैयाँ बराबरका चार लाख २३ हजार चार सय ९० कित्ता सेयर खरिदबिक्री भएका छन् । दोस्रो ठूलो कारोबार अपि पावर २४ करोड २६ लाख, हिमालयन रि इन्स्योरेन्स २३ करोड दुई लाख रुपैयाँ, शाइन रेसुंगा डेभलपमेन्ट बैंक २१ करोड ५६ लाख र ङादी ग्रुप पावरको २० करोड १९ लाख रुपैयाँ बराबरको कारोबार भएको नेपाल स्टक एक्सचेन्ज(नेप्से)ले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच