वासिङ्टन । इंग्लिस प्रिमियर लिग क्लब विजेता म्यानचेष्टर सिटी अमेरिका भ्रमणको पहिलो खेलमै पराजित भएको छ । एर्लिङ हाल्याण्डको कप्तानीमा रहेको सिटी प्रि-सिजन प्रतिस्पर्धामा सेल्टिकसँग ४-३ ले पराजित भएको हो । सिटीका लागि हाल्याण्डले एक गोल गर्नुभयो । अमेरिकाको केरान मेमोरियल मैदानमा अग्रता सेल्टिकले नै बनाएको थियो ।
निकोलास गेरिटले दुई गोल गर्नुभयो । केयोगो फुरुहासी र लुइस पाल्माले समान एक/एक गोल गर्नुभयो । पेप ग्वार्डिओलाको प्रशिक्षणमा सिटीका लागि हाल्याण्डसहित ओस्कार बोब र म्याक्सिमो पेरोनले समान एक/एक गोल गर्नुभएको थियो । सिटीले टोलीमा युरो र कोपा नखेलेका खेलाडीलाई समावेश गरेको छ ।
टोलीमा हाल्याण्डसहित ज्याक ग्रेलिस, काल्भिन फिलिप्सलगायत छन् । सिटीले अब प्रि-सिजनमा इटालियन सिरी ए क्लब एसी मिलान र स्पेनिस क्लब बार्सिलोनाविरुद्ध खेल्ने तालिका छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच