![धावनमार्ग छोडेको २५ सेकेण्डमै दुर्घटना](https://ehimalayatimes.com/wp-content/uploads/2024/07/Surya-Airlines-plane-crash-Hita-fornt-page.jpg)
हुम्ला – हुम्लाको सदरमुकाम सिमकोटसँग जोडिएको खार्पुनाथ गाउँपालिका–३ राया गाउँको ठानाकोटमा रहेको नमस्ते टेलिफोन सेवा अवरुद्ध हुँदा यहाँका चार वटा वडाका सेवाग्राही मर्कामा परेका छन् । पाँच दिनदेखि टेलिफोन सेवाले काम गर्न छोड्दा नागरिकले जिल्ला बाहिर र सदरमुकाम लगायत छिमेकी गाउँपालिकामा भएका आफन्तसँग टेलिफोनमा जोडिन नसकेको बताएका छन् ।
रायाको ठानाकोटमा रहेको टावरमा जडान गरिएको सोलारको जस्ता पाताले काम नगर्दा टेलिफोन सेवा अवरुद्ध भएको स्थानीयले लालधन टमटाले बताउनुभयो । सोलार पुरानो हुँदा यहाँका सेवाग्राहीले पटक पटक फोन सेवाबाट बन्चित हुनु पर्ने गरेको टमटाले बताउनुभयो ।
गाउँमा एक मात्रै सञ्चारको माध्यम टेलिफोन भएपनि पाँच दिनदेखि नबन्दा यहाँका नागरीक अन्यत्र रहेका आफन्तसँग फोन सम्पर्कमा जोडिन नसकेका हुन् । गाउँ नजिकै रहेको टावरमा खराबी आउँदा दुई घण्टाको टाढा अग्लो डाडामा गएर फोन सम्पर्कमा जोडिनु परेको टमटाको भनाई छ ।
यस्तै वडा नम्बर एक लाली, पिउस, वडा नम्बर दुई थाली, वडा नम्बर तीन राया, र वडा चार याङचु गाउँका सेवाग्राही टेलिफोन सेवाबाट बन्चित रहेका छन् । यी चारवटा वडाका झण्डै दुई हजार बढी सेवाग्राही टेलिफोन सेवाबाट बन्चित रहेका छन् ।
धेरै वर्ष पुराना सोलार भएकाले बेला बेलामा अवरुद्ध हुँदै आएको छ । टावर जडान गरिएको स्थानमा विद्युत पुगेको भएपनि टावरमा विद्युत जडानका लागि वडा र गाउँपालिकाले बेवास्ता गरेको यहाँका नागरीकको गुनासो छ ।
टावर सञ्चालनका लागि विद्युत जडान गरेपछि त्यसको विल कस्ले तिर्ने भन्दै वडाले जडान नगरेको बताइएको छ । वडा कार्यालयलाई सोलार पुरानो भएकाले विद्युत जोड्न आग्रह गर्दा बिल कस्ले तिर्ने भन्दै जडान गर्न नमानेको स्थानीयको भनाई छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच