![टी-२० विश्वकपमा ठूलो घाटा](https://ehimalayatimes.com/wp-content/uploads/2024/07/t20-world-cup.jpg)
काठमाडौं । एसिया कप खेलेर नेपाली महिला क्रिकेट टोली स्वदेश फर्किएको छ । श्रीलंकामा भएको एसिया कप खेलेर नेपाली टोली बिहीबार दिउँसो काठमाडौं फर्किएको हो । नेपाल क्रिकेट संघ (क्यान)का सदस्यहरूले खेलाडीहरूको स्वागत गरेका थिए ।
काठमाडौं फर्किएपछि कप्तान इन्दु बर्माले पत्रकारहरूसँग संक्षिप्त कुरा गर्दै एसिया कप आफूहरूका लागि सुखद अनुभव भएको बताउनुभयो । उहाँले प्रतियोगिताबाट नेपाली टिममा सुधार गर्नुपर्ने धेरै कुराहरू महसुस भएको पनि बताउनुभयो । उहाँ भन्नुहुन्छ, ‘टुर्नामेन्ट सुखद र रोमाञ्चक भयो । यति ठूलो प्लेटफर्ममा खेल्न पाउनु नै ठूलो कुरा थियो । हामीले खेल्न सक्छौँ भन्ने सन्देश गएको छ । युएईसँग कसरी हुन्छ जित चाहिन्छ भन्ने थियो । त्यसपछि पाकिस्तानलाई कडा फाइट दिने रणनीति बनाएका थियौँ । हामीले सक्दो प्रयास गरेको हो । टेस्ट नेसनहरूलाई फाइट दिँदा चाहिँ हामीले पोटेन्सियल देखाउन सक्यौँ जस्तो लाग्छ ।’
प्रतियोगितामा तीन खेल खेलेको नेपालले एक जित र दुई हारको नतिजा निकाल्यो । पहिलो खेलमा नेपालले युएईलाई ६ विकेटले हराएको थियो । एसिया कप इतिहासमा नेपालको यो पहिलो जित हो । यसैगरी नेपालले पाकिस्तानसँग नौ विकेट र भारतसँग ८२ रनको हार बेहोरेको थियो । नेपालले तेस्रोपटक एसिया कप खेलेको हो । यसअघि सन् २०१२ र २०१६ मा नेपाल जितविहीन हुँदै फर्किएको थियो ।
सन् २०१२ मा नेपाल बंगलादेश, श्रीलंका र चीनसँग पराजित भएको थियो । यसैगरी सन् २०१६ को पछिल्लो उपस्थितिमा नेपालले भारत, पाकिस्तान, श्रीलंका, बंगलादेश र थाइल्याण्डसँग हार बेहोरेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच