![त्रिकोणात्मक टी-२० सिरिजका लागि महिला टोलीको घोषणा](https://ehimalayatimes.com/wp-content/uploads/2025/01/tirkoratmak-sirij.jpg)
पोखरा । आसन्न पोखरा अन्तर्राष्ट्रिय म्याराथनअन्तर्गत हुने गण्डकी प्रदेश विजेतातर्फको पुरस्कार आयोजक संस्थाका पदाधिकारीहरूले दिने घोषणा गरेका छन् । नेपाली अग्रज खेलाडीहरूको छाता संस्था नेपाल भूतपूर्व खेलाडी मञ्चको आयोजनामा पोखरा अन्तर्राष्ट्रिय म्याराथन यही फागुन ३ गते हुँदैछ । गण्डकी प्रदेशतर्फ पहिलोदेखि आठौंसम्मका विजेताको कुल पुरस्कार राशि एक लाख ४३ हजार रहेको मञ्चले जनाएको छ । प्रदेश विजेतातर्फको पुरस्कार आयोजक संस्थाका पदाधिकारीहरूले दिने घोषणा गरेका हुन् ।
गण्डकी प्रदेशका खेलाडीहरूलाई खुला म्याराथन (४२.१९५ किमी) दौडतर्फ आकर्षण गर्न र उनीहरूको प्रतिभालाई राष्ट्रिय तथा अन्तर्राष्ट्रियस्तरसम्म उठाउन मञ्चका पूर्वअध्यक्षसहित पदाधिकारीहरूले पुरस्कार राशि घोषणा गरेको अध्यक्ष दिलबहादुर गुरूङले बताउनुभयो । उहाँले भन्नुभयो, ‘हामी अन्तर्राष्ट्रिय प्रतियोगिता आयोजना गर्छाैं तर हाम्रो पहिलो प्राथमिकता स्थानीय खेलाडीहरूको आवाज बन्नुपर्छ भन्ने हो । हामी यहींबाट उठेका हौं । हामी गण्डकीको खेलकुदको जग बलियो बनोस् । नयाँ प्रतिभा जन्मियोस् भन्ने चाहन्छौं ।’
मञ्चका अध्यक्ष गुरूङका अनुसार पहिलो पुरस्कार राशि नगद ५० हजार संस्थापक अध्यक्ष खड्गबहादुर रानाभाटले प्रायोजन गर्नुहुनेछ । उहाँले विगत तीन वर्षदेखि निरन्तर सो पुरस्कार राशि दिँदै आउनुभएको छ ।
त्यसैगरी दोस्रो पुरस्कार ३० हजार पूर्वअध्यक्ष प्रा.डा. वीरेन्द्र सिंह गुरूङले, तेस्रो पुरस्कार २० हजार पूर्वअध्यक्ष तेजबहादुर गुरूङले, चौथो पुरस्कार १५ हजार निवर्तमान अध्यक्ष हरिप्रसाद पराजुलीले, पाँचौं पुरस्कार राशि १० हजार अध्यक्ष दिलबहादुर गुरूङले, छैटौं पुरस्कार आठ हजार प्रथम उपाध्यक्ष खेमबहादुर गुरूङले, सातौं पुरस्कार राशि ६ हजार द्वितीय उपाध्यक्ष कृष्ण तिमिल्सिना र आठौं पुरस्कार राशि चार हजार महासचिवले दिने भएका छन् । पोखरा म्याराथनलगायत साप्ताहिक तथा मासिक दौडको संयोजन गर्न पूर्वअध्यक्ष तेजबहादुर गुरूङलाई ‘रेस डाइरेक्टर’का रूपमा घोषणा गरिएको मञ्चले जनाएको छ । दौड पोखरा रंगशालाबाट सुरु हुनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच