इलाम । घरेलु टिम देउराली स्पोर्टिङ क्लबलाई हराउँदै दमक फुटबल एकेडेमी तेस्रो सन्दकपुर गोल्डकपको सेमिफाइनल प्रवेश गरेको छ । प्रतियोगिताको उद्घाटन खेलमा देउरालीलाई टाइब्रेकरमा चार-दुई गोल अन्तरले हराउँदै दमकले अन्तिम चार मा स्थान बनाएको हो ।
निर्धारित समयमा दुवै टोलीबाट एक-एक गोल भएको थियो । पहिलो हाफ गोलरहित बराबरीमा सकिएको खेलको ७१औँ मिनेटमा दमकले पेनाल्टीमा सुरुवाती अग्रता बनाउन सफल रहृयो । दमकका लागि रोशन तामाङले गोल गर्नुभयो । ७६औं मिनेटमा विनोद धमलाले बराबरी गोल फर्काउनुभयो ।
खेलको म्यान अफ दी म्याच दमकका समिर लिम्बू घोषित हुँदै नगद दुई हजार प्राप्त गर्नुभयो । प्रतियोगिताको दोस्रो क्वाटरफाइनल खेलमा नवप्रयास युवा क्लब ताप्लेजुङ र बिर्तामोड युनाइटेड झापाबीच प्रतिस्पर्धा हुनेछ ।
वैशाख १ गतेसम्म चल्ने प्रतियोगिताको विजेताले विजेताले नगद एक लाख ५१ हजार र आकर्षक ट्रफी प्राप्त गर्नेछ । उपविजेताले नगद ८१ हजार र ट्रफी पाउनेछ भने प्रत्येक खेलको म्यान अफ दी म्याचले नगद दुई हजार प्राप्त गर्नेछन् । व्यक्तिगत विधातर्फ उत्कृष्ट गोलरक्षक, उत्कृष्ट खेलाडी, उत्कृष्ट रक्षक र सर्वाधिक गोलकर्ताले जनही चार/चार हजार पाउनेछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच