काठमाडौं । यही मंसिर २९ गतेदेखि देशभरका सिनेमाघरमा आउने तयारीमा रहेको चलचित्र ‘दुई कदम’को गीत ‘कागभन्दा कोइली चलाख’ सार्वजनिक भएको छ । प्रताप दास र मेलिना राईको स्वर, डिपी खनालको शब्द र विकास चौधरीको संगीत रहेको गीतको भिडियो सार्वजनिक भएको हो ।
सार्वजनिक गीतमा गौरव पहारी, इओन लिम्बू, सिमोन गिरी, विल्सनविक्रम राई, विमला लिम्बू र गीता ढुंगानाको अभिनय नृत्य रहेको छ । ओएसआर डिजिटलबाट सार्वजनिक गीतमा रामजी लामिछानेको कोरियोग्राफी छ ।
उदय सुब्बा निर्देशित यो चलचित्रमा सुनिल थापा, कविता आले, सुरवीर पण्डित, प्रेम सुब्बा, गौरव पहारी, बुद्धि तामाङ, अर्जुन गुरुङ, विमला लिम्बू, जीवन लिम्बू, चन्दा दाहाल, प्रितिका शर्मा लगायतका कलाकारको अभिनय छ ।
अजम्बरी फिल्मस्को व्यानरमा निर्माण भएको चलचित्रमा तारादेवी लिम्बूको लगानी छ । चलचित्रको एक गीतमा अभिनेता विल्सनविक्रम राईले पनि विशेष भूमिका निर्वाह गर्नुभएको छ । मुस्ताङमा एक गीतको छायांकन गरिएको चलचित्रको बाँकी छायांकन पूर्वका धनकुटा, तेह्रथुमको वसन्तपुर, इलाम, झापा र धरानमा गरिएको हो ।
दयाराम घिमिरेको कथा तथा पटकथा लेखन, विक्रम डिसीको छायांकन, ताराप्रकाश लिम्बू र विकास चौधरीको संगीत, डिपी खनालको गीत लेखन, राजु किरातीको द्वन्द्व निर्देशन, रामजी लामिछानेको कोरियोग्राफी र प्रवीन ढकालको सम्पादन रहेको चलचित्रलाई ऋच इन्टरटेनमेन्ट र एफडी कम्पनीले वितरण गर्दैछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच