![२०२३ मा बलिउडको बक्स अफिसमा हिरोनीहरूले गरे राज](https://ehimalayatimes.com/wp-content/uploads/2023/12/Hindi-Heroine-2023-Himalaya-times.jpg)
काठमाडौं । नेपालमा हावाबाट बिजुली निकाल्ने सम्भव्यता अध्ययन सुरु गरिएको छ । जसका लागि जापानस्थित जापान इनर्जी सेफ्टी एसोसिएसन (जेइएसए) ले सहयोग गरेको छ । भक्तपुरको चाँगुनारयाण नगरपालिका दुवाकोटस्थित नेपाल इन्जिनियरिङ कलेज (नेक)सँग सहकार्य गरी अध्ययन सुरु गरिएको हो ।
अध्ययनका लागि आवश्यक सामग्री जेइएसएले नेकलाई हस्तान्तरण गरेको छ । नेकका कार्यबाहक प्राचार्य दुर्गाप्रसाद भण्डारीलाई जेइएसएका इन्जिनियरिङ एडभाइजर एचुअी किरिहारा र तीन दशकदेखि जापानमा रहेर हाल नेपालमा रहनुभएका जापानका लागि नेपाली फ्रेण्डसिप एम्बेसडर नरेश महर्जनले संयुक्त रूपमा सामानहरू हस्तान्तरण गर्नु भएको छ ।
अध्ययनमा कलेजमा इन्जिनियरिङ अध्ययनरत विद्यार्थीलाई पनि प्रयोग गरिने जनाइएको छ । विद्यार्थीलालई प्रेरणा दिई उनीहरूबाट पनि यस्ता प्रविधि विकासका लागि सहयोग होस् भन्ने हेतुले काम सुरु गरिएको कलेजले जनाएको छ । जसका लागि कलेजका प्रोफेसर दिनेशप्रसाद गुरागाईको अध्यक्षतामा हावा इनर्जी डेभलपमेन्ट ग्रुप गठन गरिएको छ । हावा इनर्जी परियोजना नामाकरण गरिएको यो परियोजनाका लागि कलेजका प्रोफेसर पाँच रहेका छन् । कलेजका विभिन्न विभाग सिभिल, कम्प्युटर, इलेक्टिकल एण्ड इलेक्टोनिक्स, इलेक्टिकल एण्ड कम्युनिकेशनका एकएकजना प्रोफेसर सदस्य रहने गरी समिति गठन गरिएको हो ।
पहिलो चरणमा चाँगुनारायण नगरपालिकाभित्रका विभिन्न ठाउँमा हावाको गति नाप्ने काम गर्ने योजना रहेको छ । जसका लागि चाँगुनारायण नगर क्षेत्रका विभिन्न भवनको छतमा एउटा एन्टेना (फलामको रड) मा हावा चल्दा घुम्ने गरी मिलाइएको एउटा बाकस जस्तो सामान राखिनेछ । त्यसपछि त्यसबाट हावाको बेग नापिनेछ ।
जापानका लागि नेपाली फ्रेण्डसिप एम्बेसडर नरेश महर्जनले हावाबाट पनि बिजुली उत्पादन सम्भव रहेको भन्दै सोही सम्भावनाका कारण नेपालमा २०७२ को भूकम्पछि हरेक वर्ष आई कलेजका विद्यार्थीलाई परामर्श दिने गरेको जानकारी दिनुभयो । सोही प्रायोजनका लागि जापानको जेइएसएका इन्जिनियरिङ एडभाइजर एचुअी किरिहारा हाल महर्जनसहित नेपालमा रहनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच