![निजामती सेवा ऐन चाँडै संसद्बाट पारित गर्ने प्रधानमन्त्रीको प्रतिबद्धता](https://ehimalayatimes.com/wp-content/uploads/2024/09/Prime-Ministers-commitment-to-get-the-Civil-Service-Act-passed-by-Parliament-soon-Hita-fornt-page.jpg)
पाल्पा । पछिल्लो समय बसाईसराइसँगै देखासिखीका कारण निजी विद्यालयमा विद्यार्थीको आकर्षण बढ्दो र सामुदायिक विद्यालयमा घट्दो छ । सरकारले अर्बौ रुपैयाँ लगानी गरिरहेका सामुदायिक विद्यालयमा शिक्षक अभाव, दक्ष शिक्षक अभाव र अन्य पूर्वाधारको अभावका कारण शैक्षिक गुणस्तर खस्कदै गएको छ ।
पाल्पाका अधिकांश सामुदायिक विद्यालयमा विद्यार्थीको संख्या न्यून छ । नगर तथा गाउँपालिकामा रहेका सामुदायिक विद्यालयमा विद्यार्थीको संख्या कम हुँदा मर्जर वा बन्द हुने अवस्थामा पुगेका छन् । विद्यार्थीभन्दा शिक्षकको संख्या धेरै भएका विद्यालयसमेत भेटिन्छन् । तर, तानसेन नगरपालिका–७ काजीपौवास्थित सामुदायिक विद्यालयको रुपमा रहेको बाल ज्योति प्राथामिक विद्यालयले भने अंग्रेजी माध्यममा पढाई सुरु गरेपछि हरेक वर्ष पढ्न आउने विद्यार्थीको संख्या बढेको छ ।
कक्षा पाँचसम्म पढाइ हुने यो विद्यालयमा कुनै बेला विद्यार्थी न्यून भएपछि अर्को विद्यालयसँग मर्ज गर्ने अवस्थामा पुगेको थियो । २०६९/०७० तिर २० जना विद्यार्थी पढाउँदै आएको यस विद्यालयमा अहिले अंग्रेजी माध्यमबाट पढाई हुन थालेपछि भने विद्यार्थी संख्या बढेको छ ।
तत्कालिन समयमा थोरै विद्यार्थी भएपछि शिक्षा कार्यालयले स्कूल मर्च गर्ने तयारी गरेको थियो । तर गाउँलेले सुधार्ने भन्दै समायोजन नगर्न माग राखेका थिए । सो समयमा विद्यालयले घरदैलो गरेर अभिभावकको चाहना बुझ्यो र अभिभावकले पनि अंग्रेजी माध्यमका बोडिङ स्कूलको भन्दा राम्रो पढाइ हुनुपर्ने भन्दै विद्यालयलाई सुधार गर्न सुझाव दिए । विद्यालयले त्यही अनुसार सुधारको काम थाल्यो । संकटमा परेको त्यही विद्यालय अहिले नगरपालिकाकै अब्बल विद्यालय बन्न सफल भएको छ ।
अहिले विद्यार्थी संख्या १२० पुगेको छ । धेरैजसो अभिभावक आफ्ना छोराछोरी अंग्रेजीमा चलाख हुन् भन्ने चाहन्छन् । त्यसैले सकेसम्म निजी स्कुल र नसके अंग्रेजी माध्यममा पढाइ हुने सामुदायिक विद्यालयमा पढाउने लहर नै चलेको अवस्थामा यस विद्यालयले अभिभावकहरुको चाहाना अनुरुप २०७० देखि पूर्ण रुपमा अंग्रेजी माध्यममा पढाई सञ्चालन गर्न थालेपछि उन्नतीको यात्रा सुरु भएको छ । विद्यालयले बाल कक्षादेखि नै अंग्रेजी माध्यम पढाइ सञ्चालन गरिरहेको छ ।
जसका कारण विद्यालयले उन्नती गर्न सफल भएको हो । विद्यालयको भौतिक संरचना समेत अब्बल रहेका छन् । गेट भित्र छिर्नासाथ विद्यालयको वातारण नै शान्त र सुन्दर रहेको छ । अभिभावकले महंगो नीजि स्कुलबाट सन्तान ल्याएर यसमा भर्ना गरेका छन् । व्यवस्थापन समितिका अध्यक्ष गम्वीरजंग रायमाझी दैनिक विद्यालय आएर विद्यार्थीहरुको पढाइ बारे शिक्षकलाई सोध्ने गर्नुहुन्छ । ‘२०७६ सालमा म विद्यालय व्यवस्थापन समितिको अध्यक्ष भएर आउँदा विद्यालयको व्यवस्थापनदेखि गुणस्तरी शिक्षामा कटिवद्ध भएर लागेको छु,’ अध्यक्ष रायमाझीले भन्नुभयो,‘अभिभावक र स्थानीयबीच छलफल डाके, पढाइमा अब्बल बनाउन धेरै मेहनेत ग¥यौं ।’ अंग्रेजी माध्यामबाट पढाइ भएपछि अभिभावकको ध्यान तानिएको उहाँले बताउनुभयो ।
अहिले यहाँ अंग्रेजीमा बालविकासदेखि कक्षा ५ सम्म नै पढाई हुँदै आएको छ । विद्यालयमा स्वच्छ खानेपानी, शौचालय, भूकम्पप्रतिरोधी भवन संरचना रहेका छन् । विद्यालयले विद्यार्थीहरुलाई विद्यालयमै खाजाको व्यवस्था समेत गरेको छ । उसले विद्यार्थीहरुलाई ४ बजेपछि छुट्टै कक्षा समेत दिदै आएको छ । अहिले यस विद्यालयले ऋण काढेरैभएपनि छोराछोरीलाई बोडिङ पढाउनु पर्ने बाध्यताको अन्त्य गरेको छ । गाउँका धेरैले बोडिङ छाडेर यहाँ भर्ना गरेका छन् । स्कुलको शैक्षिक गुणस्तर वृद्धि गर्न विद्यालय व्यवस्थापन समिति, अभिभावक, शिक्षक र गाउँले जागरुक र प्रतिबद्ध भएर लाग्ने गरेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच