दिदीभाइको कविताकृति ‘पेनड्राइभ’ र ‘मेराकी’ लोकार्पण

हिमालय टाइम्स

२४ फाल्गुन २०८०, बिहिबार ०४:३४

Read Time = 2 mins

प्रिन्ट संस्करण

साहित्य/कला

A A- A+

काठमाडौं । राष्ट्रकवि माधव घिमिरेकी कान्छी छोरी ज्योति पौडेल र कान्छा छोरा राजीव घिमिरेको कविताकृति लोकार्पण गरिएको छ । आवरण प्रकाशनले बजारमा ल्याएको कवि ज्योति पौडेलको ‘पेनड्राइभ’ र राजीव घिमिरेको ‘मेराकी’ एक समारोहबीच प्रमुख अतिथि प्रा.डा.कृष्णहरि बराल, राष्ट्रकविकी धर्मपत्नी महाकाली घिमिरेलगायतले लोकार्पण गर्नुभएको हो ।

प्रमुख अतिथि डा.बरालले ‘पेनड्राइभ’ले लयात्मक, ध्वन्यात्मक, व्यंग्यात्मक र प्रतीकात्मक अभिव्यक्तिबाट काव्यको ज्योति छर्न सकेको बताउनुभयो । नियात्राकार प्रतीक ढकालले ‘मेराकी’को चर्चा गर्दै कविमा विषयवस्तुलाई हेर्ने दृष्टिकोण अनौठो रहेको बताउनुभयो ।

कृतिकार पौडेलले कोरोना र अन्य समयमा समसामयिक विषयमा आफूले गीत र कविता कोरेको सुनाउनुभयो । घिमिरेले भने आफूले धेरै सोचेर र शब्द शब्द तौलेर कविता लेख्न प्रयास गरेको जिकिर गर्नुभयो । कार्यक्रममा सहित्यकार हेम भण्डारीले ‘पेनड्राइभ’ र ‘मेराकी’का विषयमा चर्चा गर्नुभएको थियो ।

कविताकृति

सहित्यकार

लोकार्पण

साहित्य

यो खबर पढेर तपाईलाई कस्तो महसुस भयो ?