![निर्मलाको न्यायका लागि निरन्तर संघर्ष](https://ehimalayatimes.com/wp-content/uploads/2024/09/Victims-and-rights-activists-demanding-justice-for-Nirmala-Kurmi-Hita-fornt-page.jpg)
काठमाडौं । इन्डियन प्रिमियर लिग–२०२४ मा ५ पटकको च्याम्पियन मुम्बई इन्डियन्सले आफ्नो पहिलो खेलमा हार बेहोरेको छ । यो हारपछि टिमका नयाँ कप्तान हार्दिक पाण्ड्यालाई सामाजिक सञ्जालमा निकै ट्रोल गरिएको छ ।
पाण्ड्याको एउटा भिडियो सामाजिक सञ्जालमा भाइरल भइरहेको छ, जसमा उनी मुम्बईका पूर्व कप्तान रोहित शर्माको फिल्डिङ पोजिसन परिवर्तन गरेको बताइरहेको देखिन्छ र रोहित यता उता दौडिरहेको देखिन्छ । यस भिडियोलाई फ्यानहरूले सामाजिक सञ्जालमा सेयर गर्दै हार्दिकलाई ट्रोल गरिरहेका छन् ।
यसअघि केही फ्यानले स्टेडियममा उनको नामको ठट्टा गरेको पनि देखिएका थिए । रोहितको समर्थनमा फ्यानहरू पोस्टरसहित स्टेडियम पुगेका थिए । जसमा ‘रोहित शर्मा क्याप्टेन फोरएभर’ र ‘मुम्बई चा राजा रोहित शर्मा’ जस्ता नारा लेखिएका थिए ।
हार्दिकले दुई सिजन गुजरात टाइटन्सको कप्तानी गरेपछि मुम्बई फर्किएका थिए । कप्तान बनाए देखि नै मुम्बई इण्डियनका फ्यानले उनलाई मन पराएका छैनन् । हार्दिकले शुरु देखि नै आलोचना खेपिरहेको बेला पहिलो खेलमा हार बेहोरेपछि उनलाई झनै ट्रोल गरिएको छ ।
यस सिजनको आइपिएलको पहिलो खेलमा हार्दिकले गरेको कप्तानीको समेत निकै आलोचना भएको छ । यस खेलमा हार्दिकले लिएका केहि निर्णयहरुलाई क्रिकेट विश्लेषकहरुले गलत भन्दै उनको आलोचना गरेका छन् ।
जसमा बुमराहको स्थानमा उनी आफैं पहिलो ओभर बलिङ गर्न आउनु र कुनै विकेट लिन नसक्नु, बुमराह जस्तो च्याम्पियन बलरलाई नयाँ बलले बलिङ गर्न नदिनु, साथै उनी समयमा ब्याटिंग गर्न नआउनुलाई पनि आलोचना गरिएको छ ।
उनी सातौं नम्बरमा आएर ४ बल मात्र खेल्दै ११ रन बनाएर आउट भएका थिए । उनी आउट भएपछि कप्तानको रुपमा जिम्मेवारी लिएर अगाडी आउनु पर्नेमा त्यसो गर्न नसकेको भन्दै उनको आलोचना भएको छ ।
यस खेलमा गुजरातले मुम्बईलाई ६ रनले पराजित गरको थियो । मुम्बईले अब अर्को खेल आगामी बुधबार सनराइजर्स हैदरावादसँग खेल्ने तालिका रहेको छ ।
![पञ्जाबविरुद्ध आरसीबी विजयी, विराटको उत्कृष्ट अर्धशतक](https://ehimalayatimes.com/wp-content/uploads/2023/05/virat-kohali-rcb-cricket-hita.jpg)
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच