![बागमतीका निलम्बित मेयर नक्कली प्रमाण जुटाउन सक्रिय](https://ehimalayatimes.com/wp-content/uploads/2024/09/suspended-mayor-of-Bagmati-Bharat-Thapa-Hita-fornt-page.jpg)
पाल्पा । आगलागीबाट घरबारविहीन बनेका गुल्मी इस्मा गाउँपालिकाका आगालागी पीडितलाई यति बेला धमाधम राहत बाँडिएको छ । स्थानीय सरकार, विभिन्न संघसंस्थाहरुले प्रभावित क्षेत्रमै पुगी पीडितलाई राहत बाँडेका छन् ।
गत शनिबार नजिकैको जंगलमा लागेको डढेलो बस्तीमा पुग्दा त्यहाँका ४० घर र ४६ गोठ जलेका थिए । आगालागीबाट गोठमा रहेका ७५ पशुचौपाया समेत जलेर मरेका छन् । घरबार गुमाएका इस्मा गाउँपालिकाका–२ सिदुङखा, मैनडाँडा र ४ को कोटकोटरीका अग्निपीडितलाई घटनास्थलमा नै पुगेर विभिन्न संघ संस्थाहरुले राहत बाँडिरहेका छन् ।
पाल्पामा मानविय सेवामा क्रियाशिल रहदै आएको लायन्स क्लव अफ पाल्पा रानीमहलले पनि प्रभावित बस्तीमै पुगेर राहत सामग्री वितरण गरेको छ । क्लवले मंगलबार र बुधबार राहतका सामग्री वितरण गरेको हो । क्लवका पदाधिकारीहरुले टोलमै पुगेर त्यहाँ पूर्ण क्षति भएका परिवारलाई चामल, तेल, साबुन, चिनी, चियापत्ति, दाल, नुन, सोयाविन, साबुन, कापी, कलम, ताउला, लिटो, चाउचाउ, चिउरा, बिस्कुट लगायतका राहत सामग्री वितरण गरेका थिए । उनीहरुले स्थानीय जनप्रतिनिधि, शिक्षक, सामाजिक व्यक्तिहरुको रोहबरमा उक्त राहत सामग्री वितरण गरेका हुन् । तत्कालका लागि पीडित परिवारलाई राहत दिनका लागि एक महिनालाई पुग्ने खाद्यन्न सामग्रीसहित अन्य सामान वितरण गरिएको क्लवका अध्यक्ष कोसीस भण्डारीले बताउनुभयो ।
उहाँले इस्मामा भएको आगलागीको घटनाले लायन्सलाई अत्यन्त दुखी बनाएको र घरबारविहीन भएकाहरुलाई थोरै भए पनि राहत पुगोस् भन्ने उद्देश्यले राहत सामग्री लिएर प्रभावित क्षेत्र पुगेको बताउनुभयो ।
जहाँ विपद् त्यहाँ लायन्स भन्ने उद्देश्य बोकेर क्लव अगाडि बढेको लायन्स इन्टरनेश्नल डिष्ट्रिक ३२५ रिजन ३ का रिजन चियर पर्सन गंगाबहादुर खत्रीको बताउनुभयो । उहाँले भन्नुुभयो‘ जहाँ विपद् आइलाग्छ, त्यहाँ लायन्स क्लव पुग्छ, पछिल्लो पटक इस्मामा आगलागीका कारण ठूलो भौतिक क्षति हुन पुगेको खबर पाउन साथ केही सहयोगी दाताहरुको सहयोगमा प्रभावित क्षेत्रमै पुगेर राहत बाँडेका हौं ।’ खत्रीले स्थानीय सरकारसँगको समन्वयमा पीडितहरुलाई सामग्री दिइएको बताउनुभयो । क्लवले वडा नं. २ मा पूर्ण क्षति भएका १६, र ४ मा ८ घरपरिवारलाई राहत सामग्री वितरण गरेको हो ।
पालिका अध्यक्ष भगतसिंह खड्काले पीडित नागरिकहरुप्रति लायन्सले देखाएको सहयोग र सद्भावको प्रशंसा गर्दै धन्यवाद व्यक्त गर्नुभयो । उहाँले प्रभावित क्षेत्रका नागरिकहरुका लागि स्थानीय सरकार , अन्य सरकारी निकाय, विभिन्न गैरसरकारी संस्थाहरुबाट प्राप्त राहत सामग्री बाँडिएको बताउनुुभयो । अध्यक्ष खड्काले भन्नुभयो ‘ सुरुका दिनदेखि नै हामीले प्रभावित क्षेत्रमा वडाका जनप्रतिनिधिहरु खटाएर राहत र उद्दार कार्यमा लाग्यौं, अहिले लगभग प्रारम्भीक चरणको राहतको कार्य सकिएको छ ।’ अबको चरण थप राहत र पुर्ननिमार्णका कार्यमा आफुहरु जुटेको उहाँको भनाई छ । अध्यक्ष खड्काले अहिले घर नभएकाहरुलाई आफ्न्त कहाँ र केही टहरामा व्यवस्थापन गरिएको भन्दै बर्खा अघि नै घर निर्माण सक्ने गरी योजना अगाडि बढाइएको बताउनुभयो ।
उपाध्यक्ष पार्वती कुंवरले राहत वितरण कार्यलाई व्यवस्थित र पारदर्शी बनाउन एकद्धार प्रणालीमार्फत राहत सामग्री वितरण गर्दै आएको बताउनुभयो । उहाँले नगद जम्मा गर्नका लागि विपद् प्रकोप खातामा जम्मा गरिदिन आह्वान गरेको समेत जानकारी दिनुभयो । वडा नं. २ मा पहिलो चरणको राहत सामग्री पर्याप्त मात्र पु¥याइएको वडा अध्यक्ष लोकनाथ आचार्यले बताउनुभयो । उहाँले अहिले घर नभएका केही पीडितहरुलाई त्रिपाल टाँगेर अस्थायी टहरा निर्माण गरी राखेको र केहीलाई छिमेकीको घरमा व्यवस्थापन गरिएको बताउनुभयो । वडा नं .४ का वडा अध्यक्ष राजु बस्नेतले पनि प्रभावित नागरिकहरुका लागि राहत वितरण गर्दै आएको बताउनुभयो । उहाँका अनुसार अहिलेको आवश्यकता आवास निर्माण रहेकाले अन्य विकास निर्माणका काम रोकेरै भए पनि अगाडि बढाइने छ । अध्यक्ष बस्नेतले लायन्स क्वलले पीडितहरुका लागि गरेको सहयोगले ठूलो राहत मिल्ने विश्वास व्यक्त गर्नुभयो ।
क्लवका अध्यक्ष कोसीस भण्डारी, पूर्व अध्यक्ष महेन्द्र पोखरेल, प्रथम उपाध्यक्ष राजेश भट्टराई, द्धित्तिय उपाध्यक्ष तुलबहादुर अधिकारी, सचिव करुणा काफ्ले, कोषाध्यक्ष विष्णु पौडेल, लायन्स इन्टरनेश्नल डिष्ट्रिक ३२५ रिजन ३ का रिजन चियर पर्सन गंगाबहादुर खत्री, क्लवका सदस्यहरु तुल्सी काफ्ले, मधु पराजुली, पूर्ण थापा लगायतको टोली राहत सामग्री लिएर प्रभावित क्षेत्र इस्मा पुगेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच