![दमकमा दिनदहाडै गोली प्रहार भएकी छात्रा खतरामुक्त, घटनामा संलग्न भनिएका यादवको खोजी जारी](https://ehimalayatimes.com/wp-content/uploads/2024/05/anika-jhapa.jpg)
काठमाडौं । कोशी प्रदेशकी नेहाकुमारी चौधरी राष्ट्रिय महिला लिग छनोटमा सर्वोत्कृष्ट खेलाडी चुनिनुभएको छ । प्रतियोगितामा अपराजित रहँदै च्याम्पियन बन्नुभएकी नेहा सर्वोत्कृष्ट खेलाडी चुनिँदा कोशीकै सुशीलाकुमारी चौधरी उत्कृष्ट गोलकिपर घोषित हुनुभयो । यस्तै, प्रतियोगितामा आठ गोल गर्नुभएकी सुदूरपश्चिमकी यशोदाकुमारी चिराल उच्च गोलकर्ता चयन हुनुभयो । प्रतियोगिताको अन्तिम खेलमा सुदूरपश्चिम प्रदेशले लुम्बिनी प्रदेशविरुद्ध ३-० को जित निकाल्दै लिगको सुखद् अन्त्य गरेको थियो ।
यो जितसँगै ६ खेलबाट १५ अंकसहित सुदूरपश्चिमले दोस्रो स्थानमा रहँदै प्रतियोगिता टुंग्यायो । सात प्रदेशको सहभागिता रहेको प्रतियोगिताबाट कोसी प्रदेश च्याम्पियन हुँदै छनोट हुँदा सुदूरपश्चिम दोस्रो र कर्णालीले तेस्रो स्थानमा रहेर लिगको यात्रा निश्चित गरेका हुन् ।
प्रतियोगितामा बलियो मानिएको मधेस प्रदेश भने चौथो स्थानमा रहँदै बाहिरिएको छ । मधेसलाई राष्ट्रिय लिगमा छनोट हुन बिहीबार कर्णालीले हार्नुपर्ने समीकरण थियो । तर, कर्णालीले गण्डकीविरुद्ध सहज जित निकालेसँगै मधेसको सम्भावना सकिएको हो । लिग लिडर कोशी अपराजित रहँदा ६ खेलबाट १६ अंक जोड्न सफल रहृयो । दोस्रो स्थानको सुदूरपश्चिमले ६ खेलबाट १५ र तेस्रो स्थानको कर्णालीले ६ खेलबाट १२ अंक जोडेका छन् ।
चौथो स्थानमा सीमित बनेको मधेसले ६ खेलबाट नौ अंकमात्र जोड्न सक्यो । तीन खेलमा जित निकालेको मधेसले एक खेलमा बराबर र दुई खेलमा हारको सामना गरेको थियो । पाँचौं स्थानको गण्डकीले ६ खेलबाट ६ अंक जोड्यो । छैटौँ स्थानको लुम्बिनीले तीन अंक जोडेको छ । तालिकाको पुछारमा रहेर प्रतियोगिताको अन्त्य गरेको बागमती भने अंकविहीन रहृयो । बागमतीले प्रतियोगिताको सबै खेलमा हार व्यहोरेको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच