![तीन प्रदेशमा भारी वर्षाको सम्भावना, कस्तो रहला देशभरको मौसम ?](https://ehimalayatimes.com/wp-content/uploads/2022/04/Mausam-Badal-Pani-weather-Hita-2.jpg)
जनकपुरधाम । माओवादीले मधेश सरकारबाट मन्त्रीको राजीनामा र समर्थन फिर्ता लिएको केहिबेरमै मधेशको ठुलो दल एमालेले पनि मुख्यमन्त्रीलाई मन्त्रीहरुको सामुहिक राजीनामाको पत्र थमाएका छन् ।
मुख्यमन्त्री सरोजकुमार यादवलाई भेटेर एमालेले आफ्ना चार मन्त्री र दुई राज्यमन्त्रीको सामुहिक राजीनामा पत्र मुख्यमन्त्री यादवलाई बुझाउनु भएको हो ।
संसदीय दलका नेता तथा सरकारमा भौतिक पुर्वाधार मन्त्री सरोज यादवको अगुवाईमा मुख्यमन्त्री निवास पुगेको एमालेका मन्त्रीहरुले राजीनामा बुझाउनु भयो । एमालेले भौतीक पुर्वाधारका साथै गृहसञ्चार तथा कानुन, स्वास्थ्य तथा जनसंख्या, शिक्षा तथा संस्कृती मन्त्रीका साथै गृहसञ्चार तथा कानुन र स्वास्थ्य तथा जनसंख्या राज्यमन्त्री सम्हाल्दै आउनु भएको थियो ।
संसदीय दलका नेता यादवले देशका केहि दिन यता विस्तार भएको नयाँ राजनीति घटना क्रम अनुसारनै प्रदेशहरुमा सरकार बन्ने भएकाले त्यसमा सहजताका लागि आफुहरुले राजीनामा र समर्थन फिर्ताको निर्णयमा पुगेको बताउँदै अव नयाँ समीकरणमा सहभागि हुने दलहरु बिच सहमति गरेर नयाँ सरकार बनाइने बताउनु भयो । उहाँले अब सरकार चलाउने आधार नरहेकाले मुख्यमन्त्रीले राजीनामा दिएर मार्ग प्रशस्त गर्नुपर्ने बताउनु भयो । एमालेले आजै प्रदेश प्रमुख कार्यालयमा सरकारलाई दिएको समर्थन फिर्ता लिएको पत्र पनि बुझाइसकेको छ ।
यता मुख्यमन्त्री सरोज कुमार यादव भने मन्त्री परिषद पुर्नगठनको तयारीमा जुटेको बताइएको छ । उहाँले बिश्वासको मत सामना गर्ने मनस्थितिका साथ अगाडि बढ्ने भन्दै मन्त्री परिषद पुर्नगठन गर्न लागेको जसपा स्रोतले जनाएको छ ।
-पुरन साह
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच