![बृद्धबृद्धालाई सम्मानसहित कपडा वितरण](https://ehimalayatimes.com/wp-content/uploads/2024/07/bridasamman.jpg)
काठमाडौं । नयाँ सरकारको तयारीसँगै निरन्तर रूपमा बढेको सेयर बजार आइतबार उच्च अंकले बढेर दोस्रो दिन भने सामान्य अंकले घटेको छ । पछिल्लो चार कारोबार दिनमा नेप्से १२१.२२ अंकले बढेकोमा सोमबार १७.१८ अंक घटेर २२४०.४१ अंकमा झरेको छ तर कारोबार रकम भने बढेको छ । अघिल्लो दिन सात अर्ब ६२ करोडको सेयर कारोबार भएकोमा यस दिन आठ अर्ब ७३ करोड १४ लाख रुपैयाँ बराबरको कारोबार भएको हो । तीन सय २२ कम्पनीका एक लाख दुई हजार तीन सय ७२ पटक कारोबार भएको सोमबारको कारोबार रकम पछिल्लो छ महिनायताकै उच्च हो ।
यस दिन १३ समूहमध्ये चार समूहको परिसूचक बढेको छ भने नौ समूहको परिसूचक घटेको छ । लगानी समूहको परिसूचक सर्वाधिक १.७० प्रतिशत बढेको छ । म्युचुअल फण्ड समूहको १.६७ प्रतिशतले बढेको छ भने बैंकिङ, विकास बैंक, होटल तथा पर्यटन, जीवन बिमा, लघुवित्त र अन्य समूहको एक प्रतिशतभन्दा बढीले घटेको छ ।
सिभिल बैंकको ऋणपत्रको मूल्य सर्वाधिक १० प्रतिशत बढेको छ भने माण्डु हाइड्रोपावरको सेयर सकारात्मक सर्किट लेभलमा कारोबार भएको छ । सिद्धार्थ इन्भेष्टमेन्ट ग्रोथ स्किम २ र एनआइबिएल ग्रोथ फण्डको इकाई मूल्य करिब १० प्रतिशत बढेकोमा जानकी फाइनान्सको सेयरमा भने नकारात्मक सर्किट लेभलमा कारोबार भएको छ ।
कारोबार रकमका आधारमा शीर्ष स्थानमा रहेको अपर तामाकोशी हाइड्रोपावरको ३७ करोड आठ लाख रुपैयाँ बराबरको सेयर कारोबार भएको छ । नेपाल इन्फ्रास्ट्रक्चर बैंकको करिब २२ करोड र जानकी फाइनान्सको १९ करोडभन्दा बढीको कारोबार भएको नेपाल स्टक एक्सचेन्ज(नेप्से)ले जनाएको छ ।
यसैबीच नवनियुक्त अर्थमन्त्री विष्णु पौडेलले सेयर बजार जुवाघर नभएर अर्थतन्त्रको ऐना भएको बताउनुभएको छ ।
उपप्रधान तथा अर्थमन्त्रीको शपथ ग्रहणपछि पदभार सम्हाल्दै मन्त्री पौडेलले सेयर बजारलाई जुवाघर भन्नेहरूका कारण बजारमा केही समस्या आएको बताउँदै नेपालको सेयर बजार मुलुकको अर्थतन्त्रको ऐना भएको स्पष्ट पार्नुभयो । ‘सेयर बजारलाई जुवाघर भन्नेहरूका कारण बजारमा केही समस्या आएको हो, सेयर बजार जुवाघर होइन, यो त मुलुकको अर्थतन्त्रको ऐना हो’, मन्त्री पौडेलले भन्नुभयो ।
उहाँले सेयर बजारको विकास र र विस्तारका लागि सरकारले आवश्यक रणनीतिहरू बनाएर कार्यान्वयन गर्ने प्रतिबद्धता पनि व्यक्त गर्नुभयो । ‘जुवाघर ठान्नेहरूका कारण बजारमा केही समस्याहरू देखिएका छन्, हामी ती समस्याहरूको यथोचित समाधान गर्नेछौं’, मन्त्री पौडेलले भन्नुभयो ।
उहाँले निजी क्षेत्रको मनोबल बढाउने, उत्पादन र रोजगारी सिर्जना गर्ने जस्ता कामहरूमा आफूले ध्यान दिने पनि बताउनुभयो । ‘अर्थतन्त्रमा देखिएका तमाम परिस्थितिहरूको गहिरो अध्ययन गर्नेछौं, समस्याको कारण खोज्नेछौँ र समाधान पनि गर्नेछौँ,’ मन्त्री पौडेलले भन्नुभयोे ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच